健康齋廚

营业中

休息中

我由细到大都食好多垃圾食物，自从认识左素食嘅朋友，开始了解到其实素食对身体嘅负担冇咁大，但系我有一把为食咀，所以可能一个月先会有一次素食嘅习惯。而今次仲要去到黄大仙食斋，全因为你为朋友想约我一齐 晚饭叙旧。黄大仙我唔系咁熟路所以同佢约埋一齐喺地铁站等，佢就带著我由新光中心旁边嘅一条楼梯向上行，经过一排楼同埋市政街市就到啦！大概五至8分钟脚程。健康斋厨外表平实，睇得出都系街坊生意，有一班捧场客。而且餐牌都好简单，套餐又抵食，我哋叫咗个二人套餐都系130几蚊，再加一个斋卤味拼盘已经好足够。套餐首先有个粟米羹，一个大汤碗足够我们二人分享，虽然没有肉，但味道一样调得不错啊！然后可以拣两个小菜其中一个我加钱 $10 要咗个煲仔菜。沙嗲素牛肉粉丝煲，煲仔热辣辣，整体感觉同喺平时酒家食嘅差唔多，素牛肉真系有肉味，好神奇。另外因为朋友钟意食腰果所以我哋就要咗个素肉腰果小菜，大大粒腰果脆卜卜，素肉嘅口感同埋味道都有啲似火腿。斋卤味感觉好丰富，有酸斋、咖喱斋、斋鸭同埋斋鸡。成餐饭一啲都唔会觉得自己系食素，感觉一样好丰富，而且都有肉味，下次去开黄大仙都会行多两步来依度帮衬。