影片
更多
2024-01-18
46 浏览
晏昼成得太饱，夜晚想食得健康简单啲，喺OpenRice search先发现深水埗都有Poke bowl。虽然唔系太近地铁站，我同男朋友都行咗5分钟先过到去。附近嘅舖头都闩得七七八八，加上门口有个Poke Go LED logo，一眼就见到。餐厅门外有个打卡位，充满夏威夷风情，入去之前都忍唔住打左个卡。餐厅整体都系木质嘅枱凳，配上绿叶墙画同放满ukulele嘅bar枱，成间餐厅都充满住chill chill嘅气氛。餐厅里面周围都放左小鲨鱼，唔同造型唔同姿势，应有尽有。我同男朋友都忍唔住帮佢哋影左几张相！餐牌上嘅种类好多，男朋友有选择困难症，一于就试下佢预设嘅配搭，嗌咗碗OHANA配沙律底。男朋友好怕沙律菜嘅草青味，但呢碗OHANA就完全无！甜粟米、樱桃蕃茄同蜜糖芥末酱都十分清甜，配合埋充满油脂感嘅三文鱼，每一啖都系清爽又清甜。男朋友唔觉唔觉竟然成碗食晒！Poke bowl仲会配搭埋一块炸莲藕片，非常香脆，搞到我哋差啲想加多个炸莲藕片小食。我比较偏食，预设咗嘅配搭唔啱我，于是就叫咗自选Poke bowl。我嗌咗三文鱼、芝麻海带、麻酱豆腐同洋葱，配搭辛味蛋黄酱同糙米饭。仲有好多配料俾大家自由
餐厅门外有个打卡位，充满夏威夷风情，入去之前都忍唔住打左个卡。
餐厅整体都系木质嘅枱凳，配上绿叶墙画同放满ukulele嘅bar枱，成间餐厅都充满住chill chill嘅气氛。
餐厅里面周围都放左小鲨鱼，唔同造型唔同姿势，应有尽有。我同男朋友都忍唔住帮佢哋影左几张相！
餐牌上嘅种类好多，男朋友有选择困难症，一于就试下佢预设嘅配搭，嗌咗碗OHANA配沙律底。男朋友好怕沙律菜嘅草青味，但呢碗OHANA就完全无！甜粟米、樱桃蕃茄同蜜糖芥末酱都十分清甜，配合埋充满油脂感嘅三文鱼，每一啖都系清爽又清甜。男朋友唔觉唔觉竟然成碗食晒！Poke bowl仲会配搭埋一块炸莲藕片，非常香脆，搞到我哋差啲想加多个炸莲藕片小食。
我比较偏食，预设咗嘅配搭唔啱我，于是就叫咗自选Poke bowl。我嗌咗三文鱼、芝麻海带、麻酱豆腐同洋葱，配搭辛味蛋黄酱同糙米饭。仲有好多配料俾大家自由选择，我都唔客气几乎拣晒所有配料。一入口就感受到蛋黄酱嘅辣味，唔食辣嘅朋友可能要考虑清楚，但喜辣嘅我就非常钟意！豆腐软锦清新加上海麻嘅麻香，洋葱清爽加上辣味嘅呑拿鱼，刺身完全无腥味，非常易入口。至于糙米，初初以为会比较无味同难入口，但不得不说餐厅嘅配搭做得好好，酱同刺身配上糙米中和咗口味同味道，令钟意食饭嘅朋友都可以食得健康！
最后我同男朋友都忍唔住手嗌多咗个牛油果酱粟米片试下。酱非常浓郁，除左好香牛油果，仲食到柠檬皮等香料。粟米片调味较淡，更吃得出牛油果嘅香。上枱唔够几分钟已经俾我哋清晒。
临走前睇多次餐牌，发现餐厅竟然有做一人火锅，仲要有唔少汤底选择。无谂过poke bowl餐厅都有咁多选择，搞到我哋都心郁郁下次再过黎试下！
张贴
