Mr.W 即烘蛋糕

营业中

休息中

成日食咁多古早味蛋糕都觉得有啲唔健康，奈何我又好钟意食古早味蛋糕。好彩发现到呢间有啲似古早味蛋糕但又唔系古早味蛋糕嘅健康口味蛋糕。口味有四款选择，分别系枣蓉味、栗子味、无花果味同埋原味鲜奶蛋糕。四款都好吸引，选择困难嘅我索性就双拼咁买左两盒，咁就可以试齐晒四款。枣蓉味一放落口就会感受到枣嘅香气，食落唔会太甜，亦会食到少少枣蓉。无花果味食到好多细细粒嘅无花果籽，仲有啲无花果。呢个蛋糕口味好清新之余口感亦都比较丰富。原味鲜奶无论系蛋香定奶香都好重，亦系口感最松软嘅一款。栗子味系原味嘅蛋糕加上一层厚厚嘅栗子蓉同埋栗子粒。栗子蓉唔会太甜，好香栗子味，我好钟意呢款。每款口味都口感好松软，好好食。有古早味蛋糕嘅优点，但又唔会油腻，冇古早味蛋糕嘅缺点，真系好。