大快活

营业中

休息中

返工日日都出外面食饭，最大的问题就系冇咩又平又健康的选择。好多时比较健康的选择就系沙律三文治，冻冰冰长期食对身体都唔太好。点知有一次去食大快活就发现佢地LUNCH有个鸡胸的选择，真系好惊喜。因为快餐店通常都系得鸡排同鸡脾，有咁样一个鸡胸嘅餐，成本唔平，所以真系好少有。佢地依度$46就有一个SET，有原个鸡胸配杂菌汁加红米饭仲有菜，加有饮品，系好大众化的价钱。好多人唔中意食鸡胸都系因为比较嚡口，有时西餐厅会用慢煮，但价钱唔平，起码要成百几蚊一份，但依度快餐店出品应该唔系咩SLOW COOK架喇，但系出乎意料都系几嫩滑，系有一整鸡胸，即超市生的都要几十蚊两个果Ｄ。食过几次，有时再高水准Ｄ，但又唔会差，唔会嚡或者又干又硬。我有时唔太饿，再想健康Ｄ就走埋饭，净食肉同杂菜。佢Ｄ杂菜都几有诚意，有菇有菜，唔会净系得椰菜咁颓，仲会俾好多，正式有菜有肉，想揾健康Ｄ嘅外食选择嘅朋友可以考虑依度。见到佢个鸭脾好似都几得意，下次试下先。