松山素食 (已結業)

大推呢一间上环熟食店，平时喺上环返工，都知道苏杭街𠮶边好多好嘢食。呢日食晏经过见到呢一间新开嘅素食店叫做松山素食。出边嘅装修都几靓，外买自取嘅价钱，双𩠌饭都只系$30，三𩠌饭都只系$33。喺中上环一带都好少见到咁平嘅食店。 见到咁平但系啲食物一啲都唔马虎，老板仲好nice咁同我哋介绍每一日嘅𩠌菜都会唔同。我每款𩠌菜都系即日新鲜即制，今日我就试咗1号（虫草花浸津白）2号（怡乡茄子）同埋6号（凉拌秋葵），而同事就叫咗个松山家乡银针粉返公司食。虽然咁平，但系份量一啲都唔小。如果叫每一款午餐餐厅都会送埋例汤，都系素汤嚟㗎够晒健康可以滋润一下。咁嘅份量用嚟食晏啱啱好，每一款𩠌菜虽然冇用肉煮。但系都好好食，尤其是个怡香茄子，同一般嘅鱼香茄子系冇分别。大推！至于个家乡银针粉清清淡淡咁但系都几好食，不失为一个健康又好食嘅午餐啊。我谂下次我都会再去呢一间松山素食叫外卖自取。