菓一道健康餐廳 (已結業)

菓一道健康餐厅系由朋友介绍得知呢间餐厅，当时未搬到中港城就开始帮衬啦，依家响公司楼下，所以周不时都会过来食，当时每食一次就一个印花，储够10个就有张VIP卡，堂食免加一，拎走有9折，不过12点半前埋单都有9折，健康又划算。唔好以为健康餐D味道就差D，其实色香味俱全，而且唔会觉得有味精，每个餐都有好多菜，好适合食肉食齐嘅朋友一齐食饭。琴日几个同事又去食啦，餐厅经常换，所以经常食都唔会闷。有个同事点左葱烧蜜汁板煎鲭花鱼柳配有机三色米饭，念住会有腥味，试一试估唔到加左柠檬汁之后食起来更鲜。另外，不得不介绍佢果樽自制辣椒，唔食得辣嘅我，次次来衬都会加一小匙，佢D辣椒系辣中带浓郁嘅香味，闻一闻都觉得好爽，更系我D食得辣嘅同事嘅至爱。