香積廚素食 (已結業)

食自助餐$43咁抵，就喺香车街街巿3楼呢间店，lunch黎到，第一次食，职员热情地帮我地揾位，今日都几多人，坐满晒，佢帮我地执枱时，叫我地去拎嘢食先。呢度素食菜式简单，十多样菜，有节瓜、翠肉瓜、椰菜、炒面、饭、胜瓜、酸萝卜、咖哩薯仔、酸青瓜等，仲有汤同糖水。汤就有冬瓜花生汤，无咁浓味清清地，糖水系绿豆沙，好多料，甜度适中。炒面同瓜类都几好食，菜心就有啲靭，部分菜式重手左较咸，但个汤面又好淡，唔太平衡，食食下会煮新菜式，但原本果啲食晒可能唔再添。呢度食完先比钱同要自己拎碟出去回收桶度，每人食左两碟加一汤一糖水，好饱好满足又健康，但环境热左少少，有冷气但坐近门口较热，凉啲黎食会好啲！