影片
更多
2017-03-27
3097 浏览
细个嘅时候，有种葡萄糖冲剂叫「得力素」，𠮶阵时大行其道，依家好似已经唔见咗，连得力素糖都无埋，不过目前健康产品五花百门，「得力素」个名应该唔喺咁多人识，尤其后生一辈。但讲到健康产品，与其靠依等药物，就不如先晌饮食方面着手，哈哈！讲健康饮食，小弟就唔及老婆，佢食素都多年，虽然唔喺全素，但白肉以外，红肉就极少食，除自家煮之外，亦不时帮衬素菜馆。尖沙咀嘅功德林算喺经常光顾嘅食肆，因为以前佢晌依头返工，反而，小弟就第一次嚟，故此，平时一向由我点菜，今次就得佢出手。北京道一号嘅食肆，卖点其一就喺靓景，嚟到功德林同样单边落地大玻璃窗面向维港，鸟瞰整个1881，感觉相当唔错，只可惜今日天色灰蒙蒙。而餐厅环境亦舒适写意，除咗地方宽敞，楼底高，亦无话好似一般中式食肆咁逼夹，一室以青绿色为主调，加上自然光（当然有啲阳光就更好），让人感觉清爽。此外，唔似啲斋铺咁满天神佛，又「烦」（梵）音不断，亦喺佢多嚟光顾嘅原因之一。安顿好先点一壶铁观音，顺带一提，茗茶每位收$15/位，小食就收$12碟，喺紫菜花生，紫菜磨碎混和啲花生，面面黐满糖粒，咸咸甜甜又香脆。打开餐牌，内页第一版就喺餐厅嘅介绍，原来，不经不觉功德林晌
北京道一号嘅食肆，卖点其一就喺靓景，嚟到功德林同样单边落地大玻璃窗面向维港，鸟瞰整个1881，感觉相当唔错，只可惜今日天色灰蒙蒙。
而餐厅环境亦舒适写意，除咗地方宽敞，楼底高，亦无话好似一般中式食肆咁逼夹，一室以青绿色为主调，加上自然光（当然有啲阳光就更好），让人感觉清爽。此外，唔似啲斋铺咁满天神佛，又「烦」（梵）音不断，亦喺佢多嚟光顾嘅原因之一。
安顿好先点一壶铁观音，顺带一提，茗茶每位收$15/位，小食就收$12碟，喺紫菜花生，紫菜磨碎混和啲花生，面面黐满糖粒，咸咸甜甜又香脆。
打开餐牌，内页第一版就喺餐厅嘅介绍，原来，不经不觉功德林晌香港扎根都超过30年，作为健康啲素食店，不加味精、不含色素、少监盐少油近乎指定动作。此外，过往多年，更赢取唔少本地及国际荣誉，质素自然有一定嘅水平。
再翻翻餐牌，由前菜冷盘、滋补炖汤 / 羹、特色名菜、香辣系列、蔬菜 / 菇类、暖胃锅物、锅巴、饭、年糕、一品素面、点心到甜品，一应俱全，睇吓、数吓，食物近百款。
尾页仲有饮品一栏，唔少新鲜果汁、健康嘅蔬菜果汁供客人选择。
功德林三拼盘 $158虽然餐牌嘅图片喺脆皮素鹅、绿豆糕、无锡脆鳝，但原来哋可以转款，老婆就推介我试吓佢哋啲上海烤夫，话非常好食，既然佢喺常客，就梗听佢话啦，结果我哋嘅三拼喺脆皮素鹅、上海烤夫、无锡脆鳝。
脆皮素鹅果然脆皮，脆得嚟好香口，香口得嚟又唔油，富豆香，里面包住好多冬菇丝、甘荀丝、木耳丝，好有咬口，蘸点醋，感觉更酸香去腻。
上海烤夫啲烤夫吸满咸咸甜甜嘅酱汁，入口绵柔，又带点根性；更伴有花菇片、木耳及毛豆，整体嚟讲，真喺唔错㖞。
无锡脆鳝揾冬菇做嘅脆鳝卖相几可乱真，当然，小弟就喜欢食真嘅脆鳝，不过，依道「伪鳝」又OK㖞，咬落脆卜卜，每条都挂满甜酸汁，酸香味十足。
萝卜丝酥卷 $35讲到上海点心，萝卜丝酥卷喺小弟心水之一，无他嘅，香口嘢喺自然易讨人喜心，个酥皮又考手功。而功德林嘅萝卜丝酥卷做得上乘，酥皮纹理清晰好酥化，完全无油腻感，内里嘅萝卜丝热辣辣，又清甜，更混入少许冬菇丝增加口感添。
蘑菇包 $32近年晌素食店好流行嘅一款中式包点，就算唔喺素食店，有卖点心嘅地方都见到佢踪影。外观唔多讲，因为普遍间间都做得维肖维妙，大多数似冬菇，呢个菇纹无咁深，色偏浅，似蘑菇多一点，所以，理所当然叫番蘑菇包。咬开内有唔少杂菌，包身质感好松软，又唔黏牙。
牛肝菌菠菜生煎包 $48猪肉做嘅生煎包食唔少，素嘅生煎包就应该喺第一次喇，牛肝菌配菠菜效果不俗，既有菌香，菠菜刴得细碎，口感细致，配合松软包身，掂㖞！
砂锅狮子头 $118从餐牌所见，喺店家嘅特色名菜，经理亦推荐我哋试吓，而老婆亦话无试过依道菜，就一于见吓佢真章。餐牌已列明狮子头喺以头菇、素肉、马蹄及素翅制成，配以素上汤煮制，黝黑嘅狮子头口感松化，非常足料，个人觉得精彩位喺加咗啲素翅，松化嘅「肉感」添加咗啲爽口嘅口感。伴有黄芽白、冬菇及小棠菜，配合砂锅上，保持住滚热辣，确喺招牌菜。
砂锅狮子头
$118
84 浏览
0 赞好
0 留言
埋单时，经理仲介绍佢哋推出咗啲「优惠自选午餐」，分4人及6人餐，最难得个价已包晒茶芥及加一，可惜，只限星期一至五（公众假期不适），不过，啱晒老婆约朋友出嚟食晏。
正所谓创业难，守业就更难，做素菜嘅就更唔容易，香港老字号食店卖少见少，功德林30多年仲屹立不倒，重点都喺要靠菜肴做得好，招呼又恰到！
张贴
