PokéToké

营业中

休息中

今次造访呢间位于广华街嘅Poke店！铺头装修简单整洁，仲有好多牛油果公仔，成个vibe即刻可爱咗🥰铺头主要sell健康盖饭，餐牌上每一款都劲多料，真系好难拣！彩虹波奇🌈铺头嘅signature之一✨一上菜吓亲，多到就泻😂仲要呢个Poke入面全部都系健康食材：首先映入眼帘嘅当然系面头好抢眼嘅牛油果，然后就有虎虾仁、蕃茄、栗米同紫洋葱等配料。配料多之余质素都好好，牛油果熟透程度刚好，系好perfect嘅粉嫩状态；虾仁都系属于爽口，唔会太粉，而且每一只都好肥美！最惊喜系佢个饭捞咗用牛油果整成嘅酱汁，好惹味！不过真系太大份，会食唔哂😂加州风味碗另一个爆到满泻嘅poke，不过食材冇彩虹波奇咁满泻。主角系三文鱼，然后仲有面头嘅三文鱼子，加埋蕃茄令成个感觉更refreshing！隔离仲有玉子丝，健康鱼生饭get😎！呢个相对哋冇咁饱肚，女仔都食得哂！炸鱿鱼另外加嘅一个小食，炸得好香口，而且唔会成口油。佢仲另外配咗个沙律酱，但佢本身都有啲调味，唔落都好好食！😚附上可爱牛油果公仔s摆设💕🤭🥑