Café&Meal MUJI (已結業)

MUJI cafe其实食过好多次，九龙湾呢间就真系第一次黎，感觉比起其他分店阔落好多咁～咁钟意食muji除左因为系日本迷之外，仲因为佢标榜食材新鲜同埋健康为主。今日刚刚转了新一季餐单，同样叫左个四品料理试试新菜式。有黎开嘅都知黑醋豚肉系佢地四季必有嘅𩠌，呢个真系好好食，酸酸甜甜（但又唔系粤式咕噜肉个种嘅味道），而且今次整得几好，旧肉唔肥唔干，啱啱好！而薯饼就脆卜卜啱啱炸起咁，新鲜！冷盘方面叫左两个沙律，反而呢两个冻食冇乜特别，普通出面都食到嘅沙律味道。下次要试吓其他秋季冷盘先评价到，但overall成个餐都系好食，望似细份但都好够饱。