Itamama (健威坊)

营业中

休息中

中午打边炉食得好饱 ，夜晚就要食得清淡啲健康啲， 呢度有黑蒜炒椰菜花冇米饭 ，最啱我心水。 净食菜同鱼🐠， 唔食饭或者面包 ，切碎晒啲椰菜花， 加啲翠玉瓜红腰豆，用黑蒜炒到佢好香， 再煎一旧好靓嘅三文鱼摆喺上面， 加啲贵妃苗 装饰 ，非常之靓又好味， 一大碟只系92蚊， 对于追求健康 ，又钟意食 ，又怕肥嘅人嚟讲 ，呢个的确系一个好好嘅选择 。因为近年流行轻酮饮食， 完全唔要碳水化合物 ，净食蛋白质同纤维 ，食几多都得， 唔会肥唔会漏 ，而且价钱仲唔贵， 个餐仲包咗一碗野菌忌廉汤， 够晒热， 味道都过得去， 最紧要系个主菜好食 ，食得放心又安心。 honey就食牛柳饭， 最好就系有一堆新鲜沙律菜， 落D芝麻沙律酱， 非常好味 。喺呢度我哋揾到各自嘅喜好 ，坐得又舒服， 又好味， 又经济实惠 ，抵赞。