Bischofia by Mood

营业中

休息中

今日同朋友做完运动想食得健康啲，所以朋友就带咗我嚟呢度Dinner啦。呢间餐厅坐位舒适，环境靓✨而且有埋Live band🎶，气氛仲好好添，一边听住歌一边食饭加咗唔少分。而食物方面，呢间餐厅好贴心咁喺menu标注埋食物嘅营养素📋，对注重均衡饮食／keep fit／增肌人士等都好friendly！最后我哋叫咗两个主食：一个系牛柳粒椰菜花饭，另一个系猪鞍意粉。牛柳粒椰菜花饭有惊喜，牛柳个汁调得好好味，椰菜花饭唔会煮得过湿，份量刚刚好，冇碳水🍚得嚟但系又够饱。猪鞍外层微微焦香，内里肉质依然保持嫩滑~配埋意粉营养均衡🍝！饮品方面叫咗杯Cold Brew同埋Hojicha Skim Latte。Cold Brew味道Fruity🍒，淡啖嘅咖啡香味但唔会太苦，啱哂我嘅口味。Hojicha Latte亦都唔错，口感柔滑，用咗skim milk🥛奶味唔会太重，仲饮到焙茶本身嘅茶味🍵。食完呢间餐厅先发现Keep fit 都可以有好多唔同嘅食物可以选择，而且仲好好味添，唔使成日都系屋企食水煮餐同埋食鸡胸肉🐔。