素.喜.館

营业中

休息中

登龙街出名多嘢食，平时嚟哩头多数大鱼大肉，今次嚟到一间楼上素食店，可以话系闹市中嘅绿洲🌿.Set lunch可选择几款pasta，配是日餐汤/沙律+一杯饮品。饮品选择都好多，有果汁/咖啡/茶，我叫咗洋甘菊茶，店员仲会主动加热水👍🏻 沙律系亚麻籽凤梨沙津，生菜、菠萝同亚麻籽都够晒爽口，酱汁酸酸甜甜，加埋两条咸咸哋嘅香葱味饼干，几特别，口感好丰富😝.之前嚟食过双色椒葵花籽意大利面，印象几好，今次试吓羽衣甘蓝芝士亚麻籽意大利面。我几欣赏佢够清淡！只用少许蒜头同pepper调味，无用意粉酱，芝士都系偏淡嘅巴马臣芝士碎铺喺面🧀一直觉得淡味唔一定等于难食，反而可以品尝到羽衣甘蓝最原始嘅独特味道，同亚麻籽嘅油香🤩 .不过我认为羽衣甘蓝同spaghetti好唔夹😥虽然亚麻籽份量几多，均匀分布喺羽衣甘蓝同spaghetti上面，作为两样食材之间嘅连结，但我依然觉得好似独立食紧一份沙律同一份意粉咁😂意粉亦太过淋，加上最底有少少上汤，令意粉更难收干水。 .哩间小店其实几值得支持，可惜始终小店经营，上菜速度唔算快。我lunch break得好短，唔可以成日来了。