莆田 (已結業)

马鞍山商场林立，食肆多到眼都花，新港城入面想食咩都有，每次经过都见到呢间莆田超级多人排队，今日决定都试一试个究竟！以前我记得呢度好兴蛏子，而家就推广紧最近好兴的红菇，听讲系新兴的健康食材～虾苗拌头水紫菜好有特色的一个菜式， 主要用薄切的青瓜围圈包住水紫菜，好巧师傅心机同功力，口感都几爽，咸咸地，用作前菜开胃的确一流呀～甫田卤面唔似一般的汤面，汤汁比较”结”，可以先夹面条，再用汤匙倒汤，我比较钟意连汤饮埋，因为汤头比较浓厚，饮起上来会有一种难以形容的满足感～百秒黄花鱼睇个名应该系用指定时间先可以蒸到既黄花鱼～咁多样菜式，我最钟意亦都最正应该就系条黄花鱼，鱼肉好嫩滑，而且鱼味完全渗透入去个汁入面，我每食一啖鱼肉，都必定会配一啖鱼汁，满足感爆灯呀！总括都好满意呢一餐，几乎每一碟都系师传的心机，真系好耐都未试过咁满足的一餐！