影片
更多
2021-03-18
2671 浏览
久仰「NINETYs」大名，但一直未有机会帮衬，直至呢日拎咗假睇医生就顺路可以食埋🙈。湾仔店喺正胡忠对面，相信中午时份应该坐满哂上班一族。不过由于我系Weekday嘅下午四点几嚟帮衬，餐厅就唔算太多人，唔使同人迫同限坐几耐确系令人开心😝。呢度环境装修唔错，木系家具平实朴素，不失格调，但我略嫌枱同枱之间比较窄。虽然未食过，但餐牌上嘅饮品款式同食物菜式均系显得有花过心思设计💕，并唔系去求其一间餐厅都食到。定价中等啦，不过我留意到佢有同唔少平台合作做优惠，有兴趣可以揾下。Sassy Belly ($148)，材料包括波兰五花腩肉🐷Poland Pork Belly、意大利青瓜Zucchini、茄子Eggplant、红甜椒Red Bell Pepper同水波蛋Poached Eggs。🥚水波蛋流心效果一流！五花腩肉煎制得非常出色，油份逼咗出嚟，食落一啲油腻感都无；同时厨师无用上重口味嘅调味，咁样我哋就食到最Pure最True嘅肉味，品尝到五花腩嘅肉质😋。加上呢件连皮猪腩嘅肥瘦比例适中，所以食落好有层次。配菜垫咗喺底，微微煎香已经好味道，但如果份量多啲就好。The Pumpkin Cake ($
久仰「NINETYs」大名，但一直未有机会帮衬，直至呢日拎咗假睇医生就顺路可以食埋🙈。湾仔店喺正胡忠对面，相信中午时份应该坐满哂上班一族。
不过由于我系Weekday嘅下午四点几嚟帮衬，餐厅就唔算太多人，唔使同人迫同限坐几耐确系令人开心😝。呢度环境装修唔错，木系家具平实朴素，不失格调，但我略嫌枱同枱之间比较窄。
虽然未食过，但餐牌上嘅饮品款式同食物菜式均系显得有花过心思设计💕，并唔系去求其一间餐厅都食到。定价中等啦，不过我留意到佢有同唔少平台合作做优惠，有兴趣可以揾下。
Sassy Belly
$148
33 浏览
0 赞好
0 留言
五花腩肉煎制得非常出色，油份逼咗出嚟，食落一啲油腻感都无；同时厨师无用上重口味嘅调味，咁样我哋就食到最Pure最True嘅肉味，品尝到五花腩嘅肉质😋。加上呢件连皮猪腩嘅肥瘦比例适中，所以食落好有层次。配菜垫咗喺底，微微煎香已经好味道，但如果份量多啲就好。
The Pumpkin Cake ($128)，材料包括南瓜Pumpkin、西芹Celery、红萝卜Carrot、韭葱Leek、洋葱Onion、细葱Chives同Poached Eggs with Paprika辣椒粉水波蛋。🥦菜，全部都系蔬菜，无错佢亦系一道素食！
呢件南瓜糕系咸食嚟，虽然系将唔同蔬菜打碎整成，但质感出奇地结实，唔系薯蓉类咁淋身。主角－🎃南瓜有份独特嘅甜味，非常之鲜明，而混合埋嘅其他蔬菜配料亦绝无喧宾夺主，恰如其份作为配角；佢哋提升咗南瓜糕嘅口感同香味，个人认为西芹味嘅突出程度系仅次于南瓜。
Flat White ($42)，友人拣选咗果味无咁重嘅咖啡豆☕️，即系Choco Blend，伴旁嘅蓝莓干粒酸酸甜甜，正好衬托出咖啡嘅香。佢话咖啡冲调得好合心意，一啖啖细尝浓郁嘅奶香味，顺滑嘅口感。
It’s Easy ($48)，呢杯EC系由Lime同Milk Oolong制成，青柠令到饮品味道变得清新🍋，但茶底就未算好香。同埋我略嫌呢杯Mocktail造型较平庸，无得打卡🤣。
总括嚟讲，餐厅所提供嘅食物睇得又食得，而且仲富有营养价值，系Superfood健康之选👍。边谂到猪腩肉都唔一定等如肥腻呢？唔信嘅就要嚟9️⃣0️⃣NINETYs试下🍽～。
张贴
