健康味 (已結業)

观塘区大把野食 不过健康又方便既选择唔多 近排发现一间健康外卖店认真要推介 每星期唔同款 可以配糙米饭 仲有六七种蔬果 健康有营养之余五颜六色既配搭令人食得更开心 今个星期就试左三款都唔错慢煮鸡胸伴柚子莎莎 鸡胸份量非常多 厚切十件左右 平时鸡胸对我黎讲系鞋口干争争为左减肥先会食 依个慢煮鸡胸完全系出奇地嫩滑 (因为份量太多留起左第二日叮番热食都仲ok!) 柚子莎莎酸酸甜甜好开胃 蒜香汁烩牛脸肉本身都几钟意牛脸肉 嫩滑得黎肉质有弹性 而且有d淋既筋位有骨胶原既感觉 出面食既牛脸肉通常都系用红酒汁 同依个蒜香汁甜甜地有几分似 不过佢加左d辣椒粒 几野味香烤参巴酱龙俐鱼柳依个鱼柳既精髓系个参巴酱 野味得黎又唔会死咸 配唔浓味既鱼柳岩晒 而且鱼柳系有心思咁切好叠高 饭盒都有卖相有惊奇呀蔬菜新鲜 最钟意件瘦珍菇 界左几下少少调味已经够另一样系Whatsapp落单好方便 而且第日whatsapp讲开野有问番d午餐岩唔岩食 好贴心!