龍德樓 (已結業)

呢日系旺角行完街, 最近开始有D 冻,都想食下D 暖胃既野, 行行下就行到黎何文田,见到呢间龙德楼有煲仔饭就黎试试佢! 我地叫左腊味煲仔饭同章鱼肉饼煲仔饭! 呢间裒厅既煲仔饭同平时食过既唔同, 佢系行健康路线, 所以佢既煲仔饭系冇饭蕉既~ 我就觉得系几特别既路线! 有时真系想食下邪恶野但又惊唔健康! 咁样又食到又唔会健康真系perfect!!!　腊味煲仔饭必有既腊肠同润肠仲有腊肉~! 真系够哂香! 令到成个饭都系肉既油香! 连埋D 煲仔饭既豉油食真系令人想一啖接一啖咁食哂成个饭! 章鱼肉饼煲仔饭又系够哂香章鱼味! 同个肉饭捞埋一齐perfect! 我地仲叫左椒盐中虾同埋海鲜杂菜粉丝煲! 椒盐中虾真系好好食! 中虾开边炸到劲香脆! 脆到连壳都可以一齐食!!! 椒盐份量岩岩好,唔会令到只虾好咸, 有哂提鲜既作用! 海鲜杂菜粉丝煲就系水准之作, 主要系想食多D 菜! 个煲既菜唔会太浓味! 食得出冇味精! 正!另外仲叫左两个炖汤,分别系虫草花猪肉汤同埋花胶杏汁猪肺汤, 两款汤饮落令人觉得好舒服, 同埋劲足料,唔会淡到水咁,饮得出系用左时间去炖出黎! 正有家既感觉!