La Serre

营业中

休息中

教班前近近地約呀妹喺觀塘食TEA，喺觀塘海濱花園旁邊搵咗間餐廳 - La Serre，佢嘅外觀係四周落地窗嘅大玻璃屋，坐入去吹住冷氣望下海濱景觀，好適合忙裡偷閒黎放空。🫑小食叫咗碟西班牙小辣椒，油炸過嘅小辣椒外層只有薄薄嘅油，唔算好油膩，簡單用黑椒粒同粗鹽吊味，雖然入面有好多辣椒籽，但其實只有好少辣味，啱晒唔想食太飽又想過下口癮嘅人。另外叫咗兩個下午茶生酮卷套餐 - 咖啡朱古力卷同抹茶卷，每款生酮蛋糕都用杏仁粉、椰子粉等低醣食材代替麵粉，用羅漢果糖代替一般砂糖，食甜品都可以食得非常健康嫁。🍫咖啡朱古力卷嘅朱古力忌廉偏甜而且帶少少咖啡香味，有啲似牛奶咖啡，朱古力海綿蛋糕相對濕潤軟綿。🍵抹茶卷海綿蛋糕質感相對較實，抹茶忌廉非常好味，係帶有抹茶香嘅純正日本宇治抹茶味道。☕️飲品叫咗一杯有可愛拉花嘅FLat White同Ice Mocha，咖啡口感細滑，配甜品一流。