杏甜品 (豉油街) (已結業)

开始踏入四月喺旺角行街真系好热好多人，行到身水身汗见到呢间舖头啱啱开门有位我就即刻入去坐，叹个甜品坐低抖一抖。见到餐牌原来呢间啲甜品都比较健康，同埋都几有特色，我叫咗个合桃露加啫喱冻的东西，合桃露好香，本身合桃露应该系热嘅，但果冻应该系冻，所以两样嘢捞埋一齐会变咗微暖嘅感觉，夏天食又唔会好热，最重要系唔太甜，我钟意。小朋友就叫咗绿茶汤圆，我从来都冇食过，原来绿茶都可以整成汤圆，但味道又几特别，汤圆皮烟烟韧韧，小朋友都好钟意食。最后出边实在太热，我哋叫咗杯嘢饮一路行一路饮，吕宋芒果椰汁珍珠，佢用𠮶啲珍珠唔会好似台式饮品店咁咁甜，系白色的，成杯嘢饮都好浓芒果味而且椰汁好香，好好味，我同小朋友一路一街一路争住饮。😂😂