華香雞 (已結業)

华香鸡琴日下就经开湾仔，见到一间餐厅「华香鸡」， 个招牌写住「怀旧的味道 健康的国度 始创于一九八八年」好吸引 ，再加埋好多人叫外卖，应该几好食，于是就谂住入去食！虽然门口都系有一级，但今次个门口系比较窄，连我部轮椅都入唔到，最后决定转外卖打包拎走食，走去附近公园食！1.华香鸡拼茶香鸡饭$60＋$3转黄姜饭 配老火汤（7/10）呢个双拼鸡饭系招牌华香鸡加乌龙茶香鸡，两款鸡嘅肉质都比较硬咗少少，每款鸡都有4旧，加＄3可以转黄姜饭，黄姜饭有淡淡黄姜味，饭粒系幼长形，入面仲比咗姜蓉，姜蓉系干身唔油几好，仲有几条白菜仔，呢盒饭真系好健康！至于老火汤呢，去到公园坐低先发觉比漏咗，店员太忙太多外卖，我体谅，最多下次饮返！2.川味辣香鸡饭$57＋$3转黄姜饭 配热咖啡（8/10）呢个川味辣香鸡饭有少少辣，唔会好辣，又唔系麻辣，适合食到少少辣嘅人食，鸡肉肉质都比较硬咗少少，入面嘅鸡有8旧，加＄3可以转黄姜饭，黄姜饭有淡淡黄姜味，饭粒系幼长形，入面仲比咗姜蓉，姜蓉系干身唔油几好，仲有几条白菜仔，呢盒饭真系好健康！咖啡香滑带少少酸，几好饮！3.新鲜手拍青瓜（配：蒜蓉黑醋汁）$35（9/10）呢个青瓜好爽脆