Today's Food Lab (已結業)

作为港岛区嘅上班族，系忙忙碌碌嘅生活中最大嘅乐趣就系揾唔同嘅好嘢食，今日放lunch去咗上环揾食，就见到呢间细细间主打健康嘅小店，价钱喺附近区域黎讲都算合理，有几个位，可以坐喺度慢慢食。佢有几款set俾人拣，我拣咗个南瓜蓉咖喱鸡饭，而同事就叫咗一个肉松拌黑蒜茄子泥饭，两个饭都好足料，跟餐仲有汤同埋特色饮品，好丰富！我个南瓜蓉咖喱饭鸡饭唔会太辣，因为加左南瓜蓉所以系甜甜地，除咗鸡肉仲有几款蔬菜好健康，其中一款仲要系我钟意嘅秋葵！同事个饭我都试咗两啖，个黑蒜茄子蓉好特别，相对其他嘅酱汁较健康，本来以为黑蒜会好浓好辣，但系原来都几易入口，有淡淡嘅黑蒜味，用黎捞饭一流！