一心素食 (已結業)

朋友聚会，当然要食好嘢，朋友钟意食素菜，啱晒，就介绍去这间啦。这食店交通方便，地铁站行过去都系几分钟， 上到去，地方好大，环境舒适。 可能我早去，人流唔算多，好快有位。睇下餐牌先，原来有新推介，系汉堡餐同Pizza餐，素食汉堡同素食Pizza 我都系第一次见。好，就试下先先来一个田园鲜果沙律，生果款式多，份量多，又够新鲜。千岛杂菌Pizza，芝士味浓，菌类加芝士，食落好 滋味，pizza 又够脆。椰汁香芋杂菌意粉，椰汁非常香浓，意粉软硬度适中。经典汉堡，汉堡用红菜头做的，食落同牛肉冇咩分别，口感十足。这餐虽然足素菜，但食完真系唔似，做得好逼真，又够健康。