斗來香 (已結業)

本来系要去揾餐厅食晚饭，经过呢间小食店竟然停低左，明明赶住去食饭都要买个小食，究竟系咩咁吸引我试呢？登登登登！原来就系呢个砵仔糕喇！$4都系街坊价，但点解吸引到我目光？就系因为佢面完全满布哂红豆粒粒！！砵仔糕价钱其实四围都唔差得远，但质素就可以差好远，成日都食到啲得十粒八粒红豆粒架乍但呢到本身已经系劲大个，仲要全部都布满豆，真系唔买都对唔住自己咬落同想像中有少少分别，因为佢明显系低糖左，平时成日食既都几甜，因为始终由黄糖整，甜都走唔甩，反而呢到可以系话食过咁耐最唔甜既砵仔糕，但由于佢既糖本身都香，唔会觉得好淡口，加埋啖啖都有红豆，口感唔会单调，至于砵仔糕另一个重点就系烟韧度，我份人中意食烟韧既砵仔糕，不过呢到既就唔多烟韧，比较稔身，但同样佢有少少黏口，同平时时面上纯稔身既砵仔糕有啲分别，整体黎讲口感都味道都独特，少甜亦都令人罪恶感无咁多添嘻嘻惊喜之作！