2 Good Bakery

营业中

休息中

今次系本人第一次写食评既，因为试到一间用心制作好味既甜品系要值得推介既。之前响社交平台度都见到呢间小店都有好多人帮衬同略有名气，所以就同男友黎佐敦拜访呢间甜品店，顺便支持一下同试吓味道得唔得。一揾到间铺头就见到个饼柜，摆放住一件件卖相精致既甜品，就即刻入去想试香芋蛋糕同巴斯克芝士蛋糕。一进入铺头，店主好有礼貌招呼我地，先帮我地喷上消毒液消毒，此举好重视铺面同食客安全，呢啲细心位值得一赞。一打开menu,都见有好多甜品，轻食同花茶。咁我同男友就拣左以下呢啲甜品:我就拣香芋蛋糕，男友就拣巴斯克芝士蛋糕同辣味茶香鸡翼。饮品方面就拣咗玫瑰花茶同百香果杂果冰茶。食物一上枱，我第一时间就急不及待试试香芋蛋糕既味道，一食落口就感觉到香芋既清甜同埋系食到有芋粒，同埋芋泥一层夹杂住海绵蛋糕，口味出奇地夹。食落感觉唔会甜到漏，好轻怡清新。而男友就试店主推介既招牌蛋糕，巴斯克蛋糕。食落就觉得芝士味好浓，甜度刚刚好，粒士多啤梨好甜唔会好酸。同个辣味茶香鸡翼好特别，出面用茶叶入馔既小食唔多，同男友一试就钟意呢碟鸡翼。一食入口觉得鸡翼皮面好香茶味同蜜糖既甜。令到层皮松脆，里面既鸡肉系食得出有用调味料腌过，出面表皮