La Rotisserie (華蘭路) (已結業)

讲真我唔系食鸡既粉丝，不过gym友都明白，鸡胸系快靓正之选。下午茶肚饿，买左个八十八蚊餐。有四分一只鸡加三个伴菜同个汤。份量好足的，女仔作为下午茶系好over，所以我会留起做晚餐！八十八蚊两餐都唔过份既！个汤系zucchini and basil。我问佢有无cream，佢话无。我饮落估佢用薯仔用base，不过唔太肯定。系正常既西汤味，唔会有青味。饮左三分二都饱。鸡都算滑既，不过点都系焗既关系，会干口啲。佢连皮同骨，减肥友要花心机去皮了。伴菜好多款，可以拣三款，不过留意有几款都有goat milk，小妹既选择即刻缩减左。左边系quinoa base，有啲egg plant, pumpkin etc，最得意系好似有啲杏仁片，口感几好。中间系steamed veggie，暖暖的，亦最无油既感觉，好似最健康。右边系red rice base，主要有大大旧蕃茄一齐，唔错，不过惊芫茜人士要小心。一番拆皮拆骨后，小妹既晚饭如下😂。Weekend无乜人，打发下时间都唔错。服务员都nice，因为我都有问下关于啲食物既问题。