野玩田店 (已搬遷) 新店位置

一直好想试呢间，听讲用新鲜既材料同埋主打本地农场产品，好彩有book到位，7点度已经坐满晒人。叫左个吞拿鱼沙沙酥盒配分子醋汁卖相超精致，吞拿鱼都有一般放题既货色，配酥盒口感相当丰富。牛油果青瓜水牛芝士包意大利饭上面系满满既芝士，见到都好吸引，岩晒芝士控既我，揽拌后意大利饭均匀充满芝士同埋忌廉，配搭淡啖既牛油果香,惹味得黎又好refreshing。香草烧美国原只自然鸡配燕麦松子仁系推介之一，当然要试下啦，只鸡烤得劲香，油脂分布却比一般鸡比较少，可以话只鸡好fit,食落啖啖都系瘦肉，但肉质又唔会好粗糙，反而都几juicy,燕麦片比较香脆，食落去似系薯片多过麦皮，都几好味，就算平时唔食麦皮嘅我都食咗几啖苹果酥配movienpick云呢拿雪糕最后梗系唔少得甜品啦，呢个苹果酥真系要试吓，外皮好香脆但入面好松化，配埋moviepick忌廉雪糕，真系甜而不腻。