影片
更多
2017-08-27
76 浏览
自从sogo超级市场大革新后, 无论货品定熟食小食店都多左好多, 完全系吃货同师奶既天堂!!!今次又黎扫货, 途经呢间食系食店集中地既健康食品店, 不如就食下健康野( 中和返岩岩食左好多甜品既罪恶感, 哈哈!), 其实呢间健康食品店系开慕果排有试过一次佢个龙虾包, 仲记得佢个龙虾包好多肉但食落一啲都唔heavy, 同出面既唔同感觉, 所以一直心思思再试埋其他食品! 两大个雪柜, 所售卖既食品一目了解, 有近十款沙律提供, 想丰富啲可以加钱要toppings, 例如鸡肉同烟三文鱼等大路野。见到餐牌上面写左所有餐品都经由营养师设计过, 即系无论食物饮品定沙律都可以放心食啦! 地中海式藜麦沙律 $38/100g由于心知自己既胃口有几大XD食蔬菜类型既沙律实在唔太适合我, 所以我就拣左藜麦呢种出名有饱足感既superfood, 平时食沙律都中意拣多种配搭, 不过呢到就只能拣一款, 如果可以比客人多种配搭应该更好呢! 每款沙律都列明左各自既卡路里同功效, 好似呢款咁每100g就有140kcal, 好低卡呢, 原来功效系去水肿, 听落好吸引XD三色藜麦比起单一色既藜麦更加营养, 配料有鲜甜既车厘茄
今次又黎扫货, 途经呢间食系食店集中地既健康食品店, 不如就食下健康野( 中和返岩岩食左好多甜品既罪恶感, 哈哈!), 其实呢间健康食品店系开慕果排有试过一次佢个龙虾包, 仲记得佢个龙虾包好多肉但食落一啲都唔heavy, 同出面既唔同感觉, 所以一直心思思再试埋其他食品!
两大个雪柜, 所售卖既食品一目了解, 有近十款沙律提供, 想丰富啲可以加钱要toppings, 例如鸡肉同烟三文鱼等大路野。见到餐牌上面写左所有餐品都经由营养师设计过, 即系无论食物饮品定沙律都可以放心食啦!
地中海式藜麦沙律 $38/100g
由于心知自己既胃口有几大XD食蔬菜类型既沙律实在唔太适合我, 所以我就拣左藜麦呢种出名有饱足感既superfood, 平时食沙律都中意拣多种配搭, 不过呢到就只能拣一款, 如果可以比客人多种配搭应该更好呢!
每款沙律都列明左各自既卡路里同功效, 好似呢款咁每100g就有140kcal, 好低卡呢, 原来功效系去水肿, 听落好吸引XD
三色藜麦比起单一色既藜麦更加营养, 配料有鲜甜既车厘茄, 唔酸仲好juicy! 另外仲有少量三色椒粒, 令口感无咁单调, 少量既沙律菜, 即使无肉都OK。本身藜麦煮得时间恰好, 有咬口, 而同平时出面食既比较上更少调味同埋油份添加!
除左沙律仲选购左包点, 主要推介既龙虾包同三小包, 因为已经试过龙虾包, 今次就试三小包啦!
三小包$85
分别系迷你鹅肝酱天多利烤鸡包、迷你凯撒三文鱼包同埋迷你龙虾包, 即叫即整, 不过都好快有。
同模型一样咁得意, 精致得黎但感觉唔会太细个, 除左每个包都表面光滑之外, 外露出黎既饀料亦好多, 感觉上馅既比例仲多过包lol
龙虾味同之前试既一样咁爽口, 而且加左蟹籽令口感爽上加爽, 平时食龙虾包会加牛油再烤焗至香脆, 呢到虽然无呢个step但味道依然好味, 至于烤鸡包, 因为我系鸡肉控, 所以对佢好期待, 出奇地同平时既鸡肉食落唔同, 唔韧之余又结实, 少食咁样切食细细方形细既鸡肉, 几特别, 而且沙律酱既调味好充足又creamy, 似乳酪texture, 食到入面仲有鹅肝酱, 而唔混埋左鸡肉入面。最后三文鱼包系比较上最少沙律酱既包, 但味道郤系最浓既, 可能因为本身三文鱼烟薰过? 三文鱼味颇浓郁, 而且口感细腻轻柔, 完全唔似食紧鱼肉, 有啲似买返屋企查面包果啲三文鱼酱, 配左火煎菜令咸味中和左。
整体八十几蚊食包似乎几贵, 不过饀料的确系丰富, 而且感觉相对健康。
食咁多野当然要饮野, 本身想叫佢果汁, 但被头顶既沙冰吸引左, 叫左个红菜头乳酪沙冰, 好少可饮咁健康既沙冰lol 连沙冰都标埋卡路里!!
红菜头本身系偏淡既食材, 用黎整沙冰一定唔会好浓味, 但加左乳酪就令味道上添左酸同埋质感上加左浓杰度, 唔错既配搭, 不过建议饮前捞匀啲, 因为饮到底会偏淡。
张贴
