健康工房 - 五季甜悅

营业中

休息中

每次行过Aeon都好想试下食健康工房嘅午餐，见佢又有碗面，又有甜品，又有杯茶，都系六十几蚊，几抵食！今次叫咗鸡丝松茸煨面套餐。甜品有三样嘢可以拣(芝麻糊，杏仁糊同龟苓膏)。因为最近好热气，所以甜品拣咗龟苓膏，份量都唔少。大概五分钟就送餐。𠮶餐黎到，估唔到卖相都几好㖞！最搞笑嘅系佢哋𠮶煨面唔系真系煨面，原来系乌冬嚟嘅，乌冬好弹牙！要赞嘅系𠮶汤，𠮶汤劲正，好甜呀，最后成碗汤比我饮晒！另外，汤面可以拣辣或者唔辣菜甫，加咗落个汤度啲味真系香啲，不过我觉得啲菜甫有啲干。不过啲鸡丝有啲少，有两三条😂 好彩啲菇够多，味道都入味！