Karui Bento (已搬遷) 新店位置

今日跟朋友去鲗鱼涌，佢话带我去食间好好味既日式便当，一入到去，店员态度几好，笑容亲切。间店舖细细间，几骨致，我估平时应该做开外卖多，因为星期六无乜人，我地选择堂食。坐抵一睇餐牌，第一印象系..."哗!咁鬼健康既，会唔会中大伏啊"，因为差吾多所有便当都配搭野菜。经过一轮犹豫，我选左应该最保险既照烧鸡扒配野菜便当，朋友选左挪威三文鱼配野菜便当。落完order好快上菜，卖相几OK，饭量吾多，反而鸡扒同野菜占左大半个便当。食落有D惊喜，同平时食开D照烧鸡扒好吾同，比较干身同入味，配埋D野菜一齐食，味道出呼意料又几掂吓。我本身食量都几大，不过食完个便当都feel到几饱肚。之后试埋我朋友个盒D三文鱼(份量太多，佢食吾晒^^)，味道好清新，食得出D三文鱼好新鲜，又系另一种味道，适合淡口味既朋友。最后，要比个赞呢间店，因为D便当真系落足料，就算系食肉兽既我都觉得几好味，如果平时食得健康既朋友应该会好钟意。~~值得下次再黎帮衬。