北京水餃店 (已易手) 新餐厅

其实依啲舖之前我都食过五六次，次次都系食佢个"猪扒担担面",我钟意佢个担担面个汤底虽然好油但系佢花生酱够多，多到连啲汤都杰杰地，更有好香嘅大葱同花生味！而猪扒亦炸得香脆肉淋！但不知道系唔系今日男老板唔响度嘅关系，个汤甜到好似糖水咁，我比钱时好意问一问老板娘点解个味唔同左，佢话无可能，根本煮依个担担面汤底冇落过糖去煮，既然佢咁讲自己又唔试下我都冇嘢好讲！我仲有叫多个大葱羊肉馅饼，里面啲料太少，而羊肉又冇乜羊肉味！希望今次系因为男老板唔响度先搞到咁啦！如果唔系以后又少一间好味小店好去处！