影片
更多
2014-08-30
1881 浏览
一向甚少为午饭而伤脑筋，因为公司有叫福食，即喺包伙食，坐定定等人送饭上嚟。不过，有时都有例外，有同事放大假我哋就会取消一次半次，改买外卖食。食嚟食去都喺饭盒，转转口味，所以就建议不如试一试食饭团，嚟一次饭团偶遇，更趁出开街早啲去买，唔使跟人排长龙 。其实华御结唔喺第一次食，之前已经试过，款式包括：和风蕃茄豚肉咖喱御结、骏河湾特产樱花虾御结、海鲜XO酱御结、纪州特产酸梅御结、香辣迷你带子冬菇御结及香葱吞拿鱼蓉手卷，所以，今次自然试啲未试过架啦！11:30am-3:00pm提供嘅午市套餐选择有3款： Set A（$39）任选2款御结 + 细碗装自家热汤（12安士）； Set B（$52）任选1款御结 + 细碗装自家热汤（12安士） + 任何和风单品料理（大）/ 沙律１份； Set C（$62）任选2款御结 + 细碗装自家热汤（12安士） +任何和风单品料理（大）/ 沙律１份；仲可以追加，+$10任选1款御结 /任何和风单品料理（细），而+$7细汤转为中汤（15安士） 。虽无慢慢研究，但御结（饭团）大概都有多达廿款选择，价钱由$10-$16不等，分白米饭系列、调味饭系列。睇佢啲单张
其实华御结唔喺第一次食，之前已经试过，款式包括：和风蕃茄豚肉咖喱御结、骏河湾特产樱花虾御结、海鲜XO酱御结、纪州特产酸梅御结、香辣迷你带子冬菇御结及香葱吞拿鱼蓉手卷，所以，今次自然试啲未试过架啦！
11:30am-3:00pm提供嘅午市套餐选择有3款：Set A（$39）任选2款御结 + 细碗装自家热汤（12安士）；
Set B（$52）任选1款御结 + 细碗装自家热汤（12安士） + 任何和风单品料理（大）/ 沙律１份；
Set C（$62）任选2款御结 + 细碗装自家热汤（12安士） +任何和风单品料理（大）/ 沙律１份；
仲可以追加，+$10任选1款御结 /任何和风单品料理（细），而+$7细汤转为中汤（15安士） 。
虽无慢慢研究，但御结（饭团）大概都有多达廿款选择，价钱由$10-$16不等，分白米饭系列、调味饭系列。睇佢啲单张，店方标明采用百份百日本新潟越光米。另外，所有产品均由营养师细心计算过所含热量，啱晒要健美嘅女生们，或要控制体重嘅人士 ！
法式薯仔肉肠清汤 $18 / S、$25 / M、$32 / L 个汤味道唔错㖞，几香洋葱同薯仔味，不过汤料就似乎少咗啲，得一旧西兰花及半条黑椒肉肠 。份量上，12安士其实都好够饮。
饭团包装底部印有食用方法3步曲，按部就班，应该都唔会点失手，况且，小弟话晒都已经喺有经验人士。
金平炒牛蒡御结 $13 平时食得肉多，都想平衡少少，先拣个素饭团试吓先。除炒牛蒡丝，仲有红萝卜丝，有少少调味，味道唔会好浓，爽脆清甜，而饭粒浑圆，黏糯有咬口，紫菜又够晒脆身，整体唔错，只喺嫌佢好少牛蒡丝同红萝卜丝。
三文鱼酱油烧御结 $15 例牌专灯揭开影相，哗！三文鱼酱油烧御结比起炒牛蒡多好多料㖞，埋满成个面，三文鱼混有酱油（可惜部份唔较匀「巡」），又加有好多白芝麻，宁舍有味道，同样饭粒烟韧，紫菜爆脆，比起炒牛蒡好食啲。
以上价钱都喺食物嘅单价，夹埋要俾$46，依家套餐价只喺$39，平15%左右，唔算好多，至少较食麦记、快餐店健康啲啦 。
张贴
