周記點心

营业中

休息中

某朝谂唔到早餐食咩好，上网揾到呢间点心，就揸车过嚟食。舖头细细，但人流络绎不绝。⠀听闻最出名系虾多士🍤🍞，但今次冇嗌到，净系求其嗌咗啲点心。鸳鸯烧卖，有原味同黑松露，烧卖算大粒，黑松露on top都几香🖤。金钱肚都算腍，沙爹口味冇乜特别。芝士虾长春卷松脆而冇油抑味。陈皮牛肉冇乜特别。值得一讲嘅系虾酱猪颈肉饭，好少酒楼/食点心嘅舖头会有呢款盅饭，所以嗌咗嚟试试，虾酱好香，猪颈肉肥瘦适中，再落啲豉油捞埋个饭又唔会好咸，呢个饭有平凡中嘅惊喜👍🏻。最后嗌咗杯冻奶茶都几有茶味，纯粹系中意食点心配冻奶茶先嗌🤣。⠀当日周末中午时间去到等咗10分钟到，地方细要搭枱，但一样无阻食客们嘅支持。