功德林上海素食 (北京道一號)

营业中

休息中

都市人注重健康，除咗各种运动最近都爆红，亦都好多人重视食物，多咗唔少人强调要食得健康。今次朋友要约我去好出名嘅素食餐厅，食个健康午饭。功德林喺北京到1号入面，大玻璃窗可以望到文化中心同埋海景，确系令人心旷神怡。环境好阔落，干净企理，令人感觉好舒适。朋友仔好钟意食年糕，佢先点左一款雪菜冬笋炒年糕。无肉嘅炒年糕，冇如我想像中咁啖口，反而食到雪菜嘅香味。中午时间，我比较钟意食点心。我点左份云吞，萝卜酥，同埋三色饺。三色饺卖相好特别，几得意架。云吞系上海云吞，即系皮比较厚𠮶种。入面嘅馅料全部都系菜蓉，清清地都几好味。三款点心当中我最钟意萝卜酥，萝卜苏卖相已经好好睇，表面炸得十分香脆，一咬开感觉好松软。表皮松脆，入面软滑嘅萝卜蓉热辣辣，口感好有层次啊。另外重点左两款比较重口味嘅小菜。麻婆豆腐非常足料，劲大碟。茄子煲虽然冇落肉，但味道有啲似鱼香茄子煲。丰富健康，每人都系百零蚊松啲，加唔中食下素食都几好啊！