影片
更多
2022-12-06
87 浏览
因工要去到山旮旯咁远做嘢，本来谂住附近都应该冇咩好食要出返’市区’，但系收工已经成8点，真系太肚饿唔想再行，就谂住喺Aeon求其揾间嘢食。点知全部都系啲连锁店，咩八方云集、敏华冰室、Saizeriya.....真系好冇食欲。行行下俾我见到有间终于唔系chain store，见佢装修得几靓，干净企理，晚市仲有八折，就决定入去试下，点知真系冇拣错。我最钟意试新嘢食，见到佢个menu，当然有一啲出面泰国菜馆有嘅食物，但系吸引我嘅系一啲好少见到嘅嘢，所以我就即刻点咗。青木瓜沙律就试得多，青木瓜咸蛋碎沙律就未试过，超级钟意食任何咸蛋菜式嘅我，二话不说就点咗，果然系好特别，应该喺香港其他地方食唔到，问返老板，佢话呢个菜色原本喺泰国系用奄仔蟹嘅，不过香港人食唔惯，所以用咗咸蛋去代替个咸味。另外一样新嘢系泰北咖喱黄金面，见到佢菜牌写系全球50大美食排名首位已经想食。嚟到嘅时候，放喺台上面已经闻到咖喱香味，微辣，牛腩非常入味，个面望上去有啲似普通嘅粗面，但系食落去更加有口感。不得不点嘅系生菜包，呢个菜式虽然间间泰国菜馆都有，但系系我个人飞佛，所以系必点嘅。上菜𠮶阵，我系有啲奇怪佢咁细碗，仲谂住唔抵，点知
行行下俾我见到有间终于唔系chain store，见佢装修得几靓，干净企理，晚市仲有八折，就决定入去试下，点知真系冇拣错。
我最钟意试新嘢食，见到佢个menu，当然有一啲出面泰国菜馆有嘅食物，但系吸引我嘅系一啲好少见到嘅嘢，所以我就即刻点咗。
青木瓜沙律就试得多，青木瓜咸蛋碎沙律就未试过，超级钟意食任何咸蛋菜式嘅我，二话不说就点咗，果然系好特别，应该喺香港其他地方食唔到，问返老板，佢话呢个菜色原本喺泰国系用奄仔蟹嘅，不过香港人食唔惯，所以用咗咸蛋去代替个咸味。
青木瓜咸蛋碎沙律
1 浏览
0 赞好
0 留言
另外一样新嘢系泰北咖喱黄金面，见到佢菜牌写系全球50大美食排名首位已经想食。嚟到嘅时候，放喺台上面已经闻到咖喱香味，微辣，牛腩非常入味，个面望上去有啲似普通嘅粗面，但系食落去更加有口感。
泰北咖喱黄金面
1 浏览
1 赞好
0 留言
不得不点嘅系生菜包，呢个菜式虽然间间泰国菜馆都有，但系系我个人飞佛，所以系必点嘅。上菜𠮶阵，我系有啲奇怪佢咁细碗，仲谂住唔抵，点知原来佢个碗系细，但系好深，所以其实一啲都唔少，生菜以为得几块，但系原来夹住咗，所以大大细细都有8块，份量好足。
味道方面，因为我好钟意食辣，我觉得味道够晒，唔会唔拖唔水，肉碎有咬口，配埋新鲜脆口嘅生菜啱啱好。
猪肉碎生菜包
1 浏览
0 赞好
0 留言
饮品系话梅梳打，唔算好甜，话梅解辣良品，食辣嘢必点。埋单8折之后先系百几蚊，抵过出面食嘅泰国菜好多，不过入到去咁僻做嘢嘅机会唔多，下次有机会一定再去食过。
话梅梳打
1 浏览
0 赞好
0 留言
张贴
