放下素 (已結業)

好友生日，决定食餐素庆祝一下~餐厅将每一套餐具都放系枱度，都几方便既！本身自己都几中意食PIZZA，所以一定要试佢个素食PIZZA喇！芝士蕃茄味，皮薄又脆，个人觉得唔错！再试埋放系PIZZA附近既墨西哥卷，入面加左辣椒酱，唔太食得辣既朋友应该会觉得好辣，虽然食完即刻想饮番啖水，但令我有想食多旧既冲动。墨西哥卷隔离仲有个素汉堡扒，口感都有D似肉，食落去都几IN UN又唔会有滞既感觉。另一样我比较欣赏既炸物系芝麻芋圆呀，一啖咬落去就有啖啖芋泥同埋青苹果蓉，D味都好夹，同埋足料既！除左食煎炸野，我地都食左唔少凉拌菜，大热天时食就最岩喇！好中意佢个莴荀，爽口开胃。另外仲有芋丝炒菇，再加左D三色椒，都系配搭得唔错，味道又唔会太浓。厨师仲整左豉油皇肠粉，因为加左D豉油，食落D味就冇咁寡喇！甜品方面，最中意佢个凉粉，加少少淡奶已经好好味，同埋整到细细粒卖相都唔错！芋头西米露都同甜品铺个D有得挥呀！因为今次系庆祝朋友生日，咁岩餐厅有寿包，加枝蜡烛仔即刻可以许番个愿同吹蜡烛呀，蛋糕都唔驶买！