放下素 (已結業)

依間喺銅鑼灣旺區登龍街嘅素食自助餐，唔淨係食素，仲係一間社企，好有心。款式都好多，晚餐有分中餐區同西餐區。西餐有pizza、班㦸、薯餅等等。我最中意就係個蘇格蘭炸蛋，用紫薯代替肉品，包住雞蛋再炸，比平時食嘅冇咁膩又健康。另外佢沙律吧都好豐富，除咗生菜等等，都有幾款水果。值得一提係自家製果乾，夠哂心思。中餐就更多元化，有薑醋蛋，唔會太硬啱哂我，唔算好濃易入口。有酸辣紅薯粉，我夾咗幾次，少少辣好惹味。另外仲有娃娃菜蒸粉絲、南瓜炆芋頭等等。佢嘅涼拌青瓜有落到蘋果醋，味道更多層次。我最中意係個炒花菜，爽口鮮甜，又係夾咗幾次。有煎堆同炸饅頭，香口滿足感大。最後糖水有南瓜芋頭西米露，椰香，加上一齊煲過，唔會話味道分離，值得一吃🤘🏻

雖然呢排示威浪潮好勁，但係飯總係要食既，香港既餐廳呢排生意都好慘淡，為左表示支持，所以襯今日無咁亂既情況下就去左銅鑼灣食飯，我地揀左簡良心餐廳，專做素食既社企 - 放下素呢間社企最特別既地方係會請一啲復康人士幫手，因此呢排示威，老闆都同我地講可能要早少少關門，原因唔係因為無乜生意，而係擔心員工既安全，擔心佢地返屋企都未必咁順利，而且做廚出身既老闆仲同我地分享呢到既野食既整法，所以我覺得呢到既老闆好有人情味～講返野食先～呢間餐廳主要係做中西式既素食自助餐，有好多唔同款式既菜式，而且有D菜式都係做得好用心同好有特色，絕對無揸流攤～其中印象比較深刻既有炸物，包括有素蠔、素茄子同素南瓜，炸物要炸得好食一啲都唔容易，呢到炸物既外皮炸得好薄好脆，小小油香但油而不膩，特別係素茄子，茄子肉好冧好軟，而素蠔既味道都同真蠔好相似，炸物係我既至愛～另外，有啲菜式都好特別，例如素薄餅，薄餅係薄薄脆底，面頭舖滿蕃茄醬，好香口又惹味。西班牙蛋餅以薯仔片配上蛋漿製成，十分香口，而且仲有自助沙律吧，岩中意食唔同菜式既人，有哂唔同口味。另外餐廳都有自助野飲吧，可以斟羅漢果茶飲，清清淡淡咁～最緊要店舖好闊落，座位又大，坐

放下素係聽日10月9日最後一日營業，要去就趁早！🥳.前排好興素食自助餐，小編好認同放下素嘅理念，佢地除左推廣素食同環保♻️，仲會聘請失聰或自閉人士，協助弱勢社群就業，良心企業黎架👍🏽 一坐低老闆介紹餐具每人一套，以減少不必要既浪費，更環保☺️.沙律吧🥗沙律吧雖然唔算大，但應有盡有，沙律菜、青瓜、蘿蔔絲等，仲有多款醬料自己揀。一黎到食碟新鮮嘅沙律，令人十分開胃😋.西式熟食區🍝有素食拿破崙披薩🍕，日式大阪燒，蘇格蘭蛋，燕麥提子曲奇🍪，熱香餅，咖喱薯餅，薯角，沙律卷等。小編推薦大家試日式大阪燒，好有創意！🤣.仲有自製漢堡包🍔 首先將漢堡包皮放入麵包機烘熱，放上生菜蕃茄，配上茄汁同自製素漢堡扒，就完成✅ 食落去同普通漢堡包一樣好味，但就健康好多😍.趁佢最後一日營業，去支持下呢間良心社企啦💛祝各位同餐廳一樣，學會放下☺️.放下素📍銅鑼灣登龍街28號永光中心3樓

通常放假都大魚大肉，最近突然想清心寡欲肉食下素。於是就搵左呢間起登龍街既素食buffet, 原來10月9 就結業了，啱啱趕得切黎試下。✨熱盤有十幾款，仲d 前菜，湯，糖水。天婦羅有茄子，南瓜，秋葵，炸粉做得幾鬆化。✨另外仲有炸物同沙律區✨蘿白同支竹都炆得好入味，苦瓜蛋估唔到幾嫩滑，加左d 菜莆～苦中帶甜。椰菜花同手撕包菜清甜原汁原味，加上調味幾好食。✨呢個素漢堡扒都幾得意，入面係用鷹咀豆蓉，蔬菜，木耳等等mix 埋一齊， 味道新奇又有少少似漢堡扒既感覺。✨蘇格蘭蛋賣相幾過癮，外皮係紫薯蓉黎ge~ 沙律卷味道豐富，入面仲係wasabi 味沙律醬，呢個我幾鍾意。✨咖哩薯餅夠惹味又唔會太辣，pizza 薄得黎好脆好香芝士味，加埋蕃茄醬簡簡單單已經好好味。✨最後食埋個糖水～感覺幾清潤，又有d 紅棗香，仲有薏米，雪耳，蕃薯，真係幾啱呢個天氣。

重要事情要在開始講，放下素將於10月9日最後一日營業，要去就要趁早。放下素位於銅鑼灣登龍街。之前幾次跟朋友經過也想試一試，終於今日有機會。一坐下老闆便跟我們介紹他的概念，推廣素食和環保之外，回饋社會，聘請社會弱小。每人只有一份餐具重複使用，每人盡一點力，支持環保。沙律前菜(⭐⭐⭐⭐💢)沙律吧麻雀雖小，但五臟俱全，包括了沙律菜，青瓜，蘿蔔絲等等，而且還可以選擇配不同醬料。健康關係，選了黑醋配橄欖油。吃起來都挺新鮮爽脆，令人十分開胃。除此以外還有冰鎮菜心和秋葵，都是夏日的開胃好選擇。 不同炸物(⭐⭐⭐⭐⭐)這裏有不少炸物，對於喜歡香口的我就最適合不過。包括了咖哩薯餅，南瓜天婦羅，茄子天婦羅 ，素炸生蠔等等。酥炸生蠔其實是香菇，炸得一層層，吃起來有口感，而且惹味。而且要特別一讚的是每盤食物份量不太多，吃完便立刻再Refill。這樣可以保持炸物新鮮脆口。其他熱盤(⭐⭐⭐⭐💢)除此以外還有種種不同的熱盤，包括了炒什菜，苦瓜滑蛋，蒸豆腐和壽包等等。當中最喜歡豆豉蒸豆腐，十分嫩口，香滑，豆味十足。粉麵(⭐⭐⭐⭐💢)最後還拿了個香菇粟米炒飯，吃點澱粉質才飽肚。雖然不及揚州炒飯那麼多配料，但仍然十分不錯

今日好多人都喜歡食素食🤩而本身無肉不歡的我 也約朋友食素食從這裏的食物 我吃得出一份心意和堅持堅持用低筋麵粉和酵母 自製薄餅🥳選用準備功夫多的萵筍🥰自家焗燕麥提子曲奇 唔會係街買之後翻熱食。午巿 $58 $68 $78晚巿 $108 $138唔同時段 唔同價錢🥗。🍕拿玻里薄餅🍕呢個薄餅係我最喜歡的一味🤪一共食咗三四塊 外皮勁薄 勁脆卜卜。🥚Scottish egg🥚以前係英國讀書嘅我從來都唔覺得這蛋有幾特別但係呢個素蛋係勁好味😍用sweet potato做外殻 唔油 加 脆卜卜。🌸木棉花冬瓜湯🌸雖然味道不夠濃 清清地令一直愛飲湯的我 不禁飲咗兩碗😎。當然唔少得有茄子🍆南瓜🎃紫薯🍠豆腐🥛羅漢果🥑仲有自家製嘅果乾！

今日下午黎到呢到食素 因為平時食得多肉 久唔久好想清心寡慾一下 一黎到老闆介紹返餐具🍴每人一套 錦樣可以減少不必要既浪費雖然出面有羅漢果水同埋🍊水 但想飲其他既都可以加錢 一律$10-$25不等 依家下載apps （左下）仲可以送你野飲今日我食既時段 價錢為$78 由12:00食到14:30 時間上完全夠食  最盡頭有冰鎮秋葵同埋菜心  另外有羅漢果水同埋橙水  香口炸物方面有炸茄子南瓜同埋生蠔 仲有香煎腐皮卷  中菜有壽桃包 雪地陽江 粉絲娃娃菜 知足（支足）常樂 咕嚕麵筋 哥哥做羅漢（羅漢齋） 南瓜炆芋頭 豉油王杏包菇 等等   西式同日式方面就有 燕麥提子曲奇 熱香餅 芝士薄餅 咖喱薯餅 薯角 大阪燒同埋沙律卷 最特別係可以自家製漢堡包 可以喺麵包機上面拎取漢堡包放入麵包機整熱漢堡包皮 之後去沙律吧 放上生菜蕃茄等等 加上蜜糖芥茉醬茄汁 配上自製素漢堡扒 口感同真肉拍得住 配合以上材料 自家製漢堡包完成 美味又健康   沙律吧嘅材料非常新鮮 有青瓜 蕃茄 生菜 椰菜蘿蔔絲 粟米 腰豆 紅豆另有沙律醬同埋千島醬 非常多選擇   圖為我覺得味道十分好既食物 左上角法包加熱放上兩片青瓜

越來越愛出外消費，是要為香港人打打氣，尤其是有誠意的餐廳，一定要支持！💪🏻由門面至餐具，牆身掛鐘，都感受到店主對素食及社企人仕的關愛。「我願意放下對食物服務要求～做福世界」每位食客的光顧，就是對員工的最好支持！間中都會食素，但自助餐形式就第一次。款式都幾多：沙律巴、中菜熟食、pizza、熱香餅、湯、壽桃包。。可以話款式之多與酒店有過之而無不及！食物添置速度快！👍🏻除了冰凍的羅漢果水及橙水，亦可自費其他飲品。支持社企服務，支持誠意店主，支持香港！💓

身體檢查，報告話我膽固醇過高，女兒要我注意飲食，今晚帶我去銅鑼灣食素食，是一間社企，名叫放下素，女兒說這間放下素是台灣引入的素食自助餐，每餐至少有80種素食供應，有水果、沙律、薄餅、漢堡、天婦羅、中式素菜。由入廚40多年的廚師主理。帶我去試下，讓我改變自己是飲食，食素食對健康有益。餐廳地方頗大，座位寬敞舒適，食物擺放整齊又乾淨衛生，不時有專人清潔和添加食物。老闆說有些侍應身體是有缺陷的，聽不到或反應能力不足，就請大家包容一下。每位客人都有一套碗碟，循環再用拎食物，十分環保。大部分食物都用爐熱住，保持温度。近門口位置有沙律吧、烘麵包機和烘乾果機。素菜也有中西式，西式有拿玻里薄餅、熱香餅、自製素漢堡扒、燕麥提子曲奇、咖哩薯餅、英式薯角、鮮茄意粉、西班牙蛋餅、大板燒、蘇格蘭蛋、南瓜湯。中式有涼瓜炒蛋、四季豆炆茄子、粉絲娃娃菜、手撕包菜、雪地陽江、豉油王杏包菇、青瓜雲耳、南瓜炆芋頭、哥哥做羅漢、咕嚕麵筋、南瓜天婦樂、茄子天婦樂、香菇粟米炒飯、涼拌紅薯粉、涼拌萵筍、薑醋蛋、豉油皇腸粉、木棉花冬瓜湯、壽包、豆沙煎堆、芋頭蕃薯糖水。飲品有羅漢果水和檸檬水，比起飲汽水健康得多。甜品我特別喜歡新鮮炸出來

地點好方便，星期六下午一點去到，唔需要等位。雖然食物款式唔算好多，但都有唔同類型，有沙律，冷盤，熱盤，中式，西式，日式，甜品。有啲傳統中式素材之餘，亦都有啲特色嘢食。南瓜湯，薑醋蛋，自製漢堡，壽包都好好味。店員好主動積極，態度友善。不停補充食物非常抵讚。

我呢啲食肉獸真係好少會食齋，不過之前見到報導，原來而家啲齋舖都可以話係好靚仔，甚至乎有素食嘅自助餐，不論係賣相，食物嘅款式都係非常吸引，所以今日就決定清一清腸胃，去試下新式嘅素食自助餐。老實講，見到個餐牌，價錢的確十分相宜，如果係嚟食午餐嘅話，唔使100已經有交易，真係唔係好知老細點樣回本😂餐廳分咗中式嘅熟食區，西式熟食區，同埋沙律吧。我拎嗰碟沙律都整得幾靚仔噶😝基本上蔬菜新鮮，沙律就可以正正常常穩陣噉啊西式熟食區當然係其中一個重點。雖然唔見素菜漢堡，但係素漢堡扒仍然喺度，同埋仲有素食嘅拿破崙披薩，日式大阪燒，同埋重點蘇格蘭蛋。最正嘅一定係披薩啊，基本上同你去披薩好食嘅係冇乜分別，講緊係無肉嗰隻披薩。另外沙律卷感覺好新鮮，加埋芥末醬，感覺更有層次。蘇格蘭蛋雖然我唔知佢成分係乜嘢，但佢都做到外脆內軟嘅效果，值得一試。同埋佢嘅燕麥曲奇非常鬆脆，我都攞幾塊嚟食。日式區推當然有天婦羅啦，首推嘅係天婦羅茄子，佢好食嘅程度亦都係同日本餐廳係冇乜分別，外脆內軟好有口感。去到中菜區，老實講我就好少食中菜嘅素食，所以拎嘅唔係好多。第一個推薦嘅就係素食咕嚕肉，醬汁味道非常相似，所以食落都幾開胃架。第二係南

銅鑼灣食飯食乜好？一條登龍街估計有過百間餐廳•點指兵兵•決定揀3/F 放下素健康D諗諗下•上一次食素已經好耐•無乜印象lu •🤭簡簡單單一句「感恩你到來」•個❤️微笑一下•溫馨提示：dl呢個apps•有免費飲品一瓶•無理由唔dl啦係米先？？？食品款式相當之多•蒸•炒•炆•炸•焗•涼拌•沙律•凍飲•糖水樣樣齊•睇外貎絕對飲得杯落•食落原來都幾🉐️•🍕整得薄脆•同咩咩hut無大分別•右下角紫紫地嘅🥚叫*蘇格蘭🥚*•外層脆•包住紫薯蓉•隻🥚升價十倍•好味指數值得俾💯•外母係素食者•下次一定要帶埋佢拎試試•❤️

偶爾茹素，喺銅鑼灣遇上間唔錯嘅素食自助餐餐廳。貴精不貴多，食物嘅賣相同味道都唔錯。中式素食偏向家常，但用料新鮮，稍稍調味已為上品。而西式菜式則比較精緻。蘇格蘭蛋係以紫薯茸包住雞蛋，食落比一般蘇格蘭蛋更清新。拿玻里pizza烤得夠薄夠脆，加上番茄同芝士，當然係perfect match！燕麥提子曲奇更加係令我食到停唔到口。雖然係用咗植物牛油，但口感同用金罐牛油整嘅一樣香脆，而且冇咁油膩。整體食物質素都頗高，食得出廚師嘅心思。而且最緊要係冇用素肉，真正健康之選。

一心想食蘇格蘭蛋，點知午市沒有。可惜！入座後店員便問想食45分鐘定60分鐘，唔想太趕之下，揀了食60分鐘。之後店員介紹了食物分佈，左邊中式，右邊西式。說實話西式選項唔多，有pizza, 意粉一款，素漢堡扒，西湯及沙律菜。中式部份都係大路之選，炒飯及炒麵都炒得好乾身吓，好食的是豆豉豆腐，其次就是涼拌。pizza 及曲奇都係encore之選。喜歡他們提供麪包，可以自制素漢堡，甜品中的涼粉可自加紅豆茸，雜果，啱我口味。但薑醋蛋就真係好一般，蛋比較硬亦唔夠入味。

在銅鑼灣的食店來說，價錢不貴，食品不差，種類多，不停補充。素食店，食物是天然的，不是用其他材料做假肉。鼓勵重用餐具，不浪費食物。服務態度非常好，詳細解釋，值得再試。