炳記牛牛 (已結業)

距离上堂仲有啲时间，想慢慢坐食个饭又想平，非茶记莫属。记得附近有炳记牛牛，学生时代间唔中都会帮衬下，咁就坐低慢慢拣下食咩。下午茶同晚餐之间嘅尴尬时间，无乜人，仲好啦可以慢慢坐～拣呀拣，都系拣焗饭，印象中巴黎汁(而家叫巴汁)好似都唔差嘅，清清地配个比目鱼。等呀等，等到焗完，好味与否唔讲住。热气向上升，然后闻到香草味，再望下，芝士系比较少，比目鱼都唔大块，系汁多～好热好热，饭入面有好多西芹粟米洋葱红萝卜，其实会觉得怪，不过夹住饭同汁一齐食，叫做多啲爽脆口感多啲蔬菜味道。饭粒有啲过淋，有啲就焗到脆得滞，以为食到壳，反而鱼肉算滑，唔太觉有腥味。整体味道其实又唔系太差～巴汁有香草香味带少少酸都几开胃，食极都有，令个饭唔会干身。有啲味道，有时就系要重温下～