玉桃軒酒家 (鱷魚恤中心)

营业中

休息中

最近同老公常常食西餐，感觉都有点腻，今晚终于重投中菜既怀抱。今晚拣左在嬷嬷家附近的玉桃轩，平时好多酒摆，去前一定要打个电话问下。做开婚宴既酒楼，门面当然有相当程度既靓。红色reception好抢眼，内有大水晶灯。我地好早去，无咩人，但食食下发现都坐满了。Menu好丰富但我地两个人两个胃，只可点三样菜。《片皮鸭》片皮鸭原只上，部长即场表演比我地睇，几下手势就片好一只鸭，好精彩。烧鸭烧得好好，表皮好香脆，肉质好嫩滑，中间有少少膏油流出。味道香浓既烧鸭配两小件青瓜，两小条青葱，用面粉皮包好，味道口感都配合得好好。一食就停唔到口，两个人慢慢食竟然可以KO到一只鸭，可见有几好味道。《海皇翠塘滑豆腐》豆腐系自家制既，直接倒入碟内蒸，好似蒸水蛋甘。豆腐面铺满鲜虾带子等等。入口滑一滑，吸收左海鲜味道，鲜甘有豆味。几吸引又考功夫既豆腐菜式，而佢地都处理得好唔错。《蟹籽带子赛螃蟹》呢道菜十分大碟头，赛磅蟹底部有好多西兰花，上面有带子同蟹籽。赛磅蟹既蛋白香滑，有海鲜既鲜味又有蛋香，配少少黑醋吊一吊味更精彩。饱到行唔郁，埋单四百有找，性价比甚高。