旺記冰室 (建利大廈)

营业中

休息中

有位來自新加坡嘅朋友同我提起，佢覺得黯然銷魂飯好好味，作為東道主，我就帶佢去食返餐黯然銷魂啦。之前喺網上見到旺記冰室入面叉燒滑蛋飯嘅相，覺得幾吸引，而親身見過實物，依然係好吸引。我地係星期日下午茶時間排隊，唔駛5分鐘就入座。啲滑蛋炒到笠住啲飯，而叉燒啲肉唔會太肥，整體嚟講賣相唔錯，蛋又滑叉燒肉質都唔錯。嗰日可能餐廳入面冷氣開得大，成碟飯俾冷氣吹到涼咗，食落去無咗道鍋氣，就差少少。不過平民美食嚟講，佢都算唔錯呀，新加坡朋友都話味道幾好。