影片
更多
2021-06-29
68 浏览
今日试搭屯马线，行开嚟黄埔，见到有间铺面细细但系好多人排队嘅小店，原来系你妳喺呢度开咗分店。呢间分店只做外卖，但系好多街坊帮衬，或者好多人都好怀念台湾嘅味道，于是我都唔执输，趁下热闹。上次食荃湾店已经觉得呢度有台湾嘅味道，特别系佢嘅招牌芋泥土司。今日仲要畀我见到个特别版：芋泥白兔糖麻糬吐司！就咁睇个名都知道味道一定好特别，返到屋企打开个包装超靓，完全系一粒巨型嘅大白兔糖！打开见到厚厚嘅芋泥配上烟韧嘅白兔糖麻糬，打卡真系一流。吐司味道唔甜而且有好特别嘅口感，食完唔会有太大嘅罪恶感，不过我觉得如果白兔糖嘅味道再出啲会更好。然后我再叫咗个鲁肉饭医肚，上次喺荃湾店食嘅鲁肉饭我印象好唔错，今日呢个都好对办，鲁肉比较干身，冇咁肥，反而啱我口味。另外我拣咗三个小食：古早味鸡卷、台湾士林香肠、澎湖花枝丸，我个人最钟意士林香肠，肥瘦均匀，而且香肠烧得刚好，脆脆的，配合生蒜蓉真系特别开胃。 因为我先生都好挂住台湾嘅牛肉面，所以特别叫一碗佢试。个汤底系可以嘅，牛肉都算腍，但略嫌唔够入味，啲面条都系，质地系好有𡁻口，不过如果可以平衡到火候同味道，会更出色。总括来讲，呢一餐外卖都可以暂时一解我地去唔到台湾嘅思
呢间分店只做外卖，但系好多街坊帮衬，或者好多人都好怀念台湾嘅味道，于是我都唔执输，趁下热闹。
上次食荃湾店已经觉得呢度有台湾嘅味道，特别系佢嘅招牌芋泥土司。今日仲要畀我见到个特别版：芋泥白兔糖麻糬吐司！
就咁睇个名都知道味道一定好特别，返到屋企打开个包装超靓，完全系一粒巨型嘅大白兔糖！
打开见到厚厚嘅芋泥配上烟韧嘅白兔糖麻糬，打卡真系一流。
吐司味道唔甜而且有好特别嘅口感，食完唔会有太大嘅罪恶感，不过我觉得如果白兔糖嘅味道再出啲会更好。
然后我再叫咗个鲁肉饭医肚，上次喺荃湾店食嘅鲁肉饭我印象好唔错，今日呢个都好对办，鲁肉比较干身，冇咁肥，反而啱我口味。
另外我拣咗三个小食：古早味鸡卷、台湾士林香肠、澎湖花枝丸，我个人最钟意士林香肠，肥瘦均匀，而且香肠烧得刚好，脆脆的，配合生蒜蓉真系特别开胃。
因为我先生都好挂住台湾嘅牛肉面，所以特别叫一碗佢试。
个汤底系可以嘅，牛肉都算腍，但略嫌唔够入味，啲面条都系，质地系好有𡁻口，不过如果可以平衡到火候同味道，会更出色。
总括来讲，呢一餐外卖都可以暂时一解我地去唔到台湾嘅思念之情嘅。
张贴
