影片
更多
2024-09-14
1885 浏览
呢晚嚟咗呢间新餐厅，同呢间台式餐厅嘅相遇就同餐厅名一样，系偶然😝 餐厅有提供晚市二人餐，不过呢晚我哋就系散叫嘅🧐士林蚵仔煎 配海山酱呢个蚵仔煎用铁板上，够晒镬气😮 蚵仔煎入面咗一粒又一粒Creamy嘅蚝仔，配埋侧边嘅鸡蛋同埋稍带烟靭嘅木薯粉一齐食🦪 食落口唔会觉得好腥，画龙点睛嘅系佢上面仲有海山酱，更能带出蚝嘅鲜味。台式香肠起司蛋饼呢次系我第一次食有台湾肠喺入面嘅蛋饼，估唔到个味道会有惊喜🍳 入面嘅材料除咗喺个名度见到嘅台湾香肠、芝士、外层嘅蛋饼之外，仲有生菜、沙律酱、红萝卜丝同埋我最钟意嘅肉松，整个配搭都好夹，而且口感丰富。温泉蛋卤肉饭呢个卤肉饭味道都好足够，面头嘅卤肉唔会只系得肥肉，又有瘦肉🐷 卤水嘅味道带点甜甜地，系好经典嘅台式风味。同台湾嘅卤肉饭有分别就系面头嘅蛋系温泉蛋🥚两个配料都系捞饭一流啊🍚台式红烧牛肉面呢个牛肉面都系我好期待嘅菜式，因为都系台湾菜嘅另一个招牌。餐厅选用嘅牛肉部位系牛肋条，炆得好软身又入味🐮 底下嘅面系阔身嘅，食落口嘅小麦味几香，口感都唔错🍜椰汁仙草红豆芋圆呢个甜品颜色鲜艳，配搭精致😆 上面有烟烟韧韧嘅芋圆同埋地瓜圆、红豆、谷物脆脆同埋透明嘅寒天，全部材料
呢晚嚟咗呢间新餐厅，同呢间台式餐厅嘅相遇就同餐厅名一样，系偶然😝 餐厅有提供晚市二人餐，不过呢晚我哋就系散叫嘅🧐
士林蚵仔煎 配海山酱
呢个蚵仔煎用铁板上，够晒镬气😮 蚵仔煎入面咗一粒又一粒Creamy嘅蚝仔，配埋侧边嘅鸡蛋同埋稍带烟靭嘅木薯粉一齐食🦪 食落口唔会觉得好腥，画龙点睛嘅系佢上面仲有海山酱，更能带出蚝嘅鲜味。
台式香肠起司蛋饼
呢次系我第一次食有台湾肠喺入面嘅蛋饼，估唔到个味道会有惊喜🍳 入面嘅材料除咗喺个名度见到嘅台湾香肠、芝士、外层嘅蛋饼之外，仲有生菜、沙律酱、红萝卜丝同埋我最钟意嘅肉松，整个配搭都好夹，而且口感丰富。
温泉蛋卤肉饭
呢个卤肉饭味道都好足够，面头嘅卤肉唔会只系得肥肉，又有瘦肉🐷 卤水嘅味道带点甜甜地，系好经典嘅台式风味。同台湾嘅卤肉饭有分别就系面头嘅蛋系温泉蛋🥚两个配料都系捞饭一流啊🍚
台式红烧牛肉面
呢个牛肉面都系我好期待嘅菜式，因为都系台湾菜嘅另一个招牌。餐厅选用嘅牛肉部位系牛肋条，炆得好软身又入味🐮 底下嘅面系阔身嘅，食落口嘅小麦味几香，口感都唔错🍜
椰汁仙草红豆芋圆
呢个甜品颜色鲜艳，配搭精致😆 上面有烟烟韧韧嘅芋圆同埋地瓜圆、红豆、谷物脆脆同埋透明嘅寒天，全部材料都系台式甜品常见嘅配料😋 底层仲有仙草，再配埋椰汁，整个甜品都非常丰富。
饮品
♦️手打柠檬茶
呢个手打柠檬茶嘅茶底几香，除咗香水柠檬之外，仲见到港式柠檬茶常见嘅黄色柠檬片。
♦️珍珠奶茶
食台湾菜最钟意嘅一定系饮返一杯珍珠奶茶，呢个珍珠奶茶即使冇嗌少甜都系甜度刚好🧋底下嘅珍珠系偏软身又烟韧。
呢间餐厅偏向慢工出细货嘅感觉，食物味道都有台式风味嘅，下次再嚟嘅话，相信唔会系偶遇，而系有计划嘅😂
张贴
