偶遇台北 (矽谷山)

营业中

休息中

有一日午餐和同事去觅食，本来想拣茶餐厅，见到有台湾店，即管试一试。入门口有一位穿着T恤的大叔招呼我们，我以为系厨房佬因为他的T恤十分污糟，原来他是楼面。员工外表唔紧要，食店最紧要食物质素好。餐厅系手机点餐，我和同事各自看手机的菜单，我先行下单，同事仲拣紧。我听到呢位污糟大叔同另外一个伙计讲「喂，佢地落得半份咋㖞」，语调表示嫌弃认为两人叫一份餐咁孤寒。我听见即刻同佢讲我同事落紧单，你唔使咁紧张。 我叫的牛肉面唔使2分钟上枱，面条发胀，好明显煮落咗好耐，快快灼翻热，牛肉两三旧碎牛，萝卜仲大嚿过佢，汤底偏咸。饮品选择以罐装饮品为主，台湾面店连热乌龙茶都冇，同事饮的手打柠檬茶好难饮。 同事叫的牛肉饭，牛肉同我碗面一样又碎又细旧。这店的价钱与食物质素不成正比，服务态度恶劣之余仲要收10%服务费，茶木价钱相若，质素好佢几倍。总而言之，偶遇之后可一不可再。