影片
更多
2020-12-16
212 浏览
今日老公要出荃新天地买嘢，久违的行街拍拖，梗系摆工唔煮饭，一心谂住撑枱脚，点知行到忘咗形，过咗6：00无堂食，正当盘旋食乜时，发现咗间马拉面馆，叫虾面馆，顾名思意系用虾做主打~店舖充满马拉色彩，以黄白色为主，内外都具有浓厚嘅槟城风貌，以槟城秘方虾面见称，除面食外，亦有不小马拉出品小食甜品，相对饭类较少。餐牌有散叫丶一人套餐同二人套餐，由于我样样都想食，所以分别叫咗一人餐同二人餐，二人餐有甜品丶饮品丶4个小食同两款面食，一人餐食物大同小异，但饮品或者甜品只可二选一。二人面类分别拣咗虾肉鱿鱼同海鲜面(+$12)可自选汤底，小食就特定马来香炸鸡翼同马来沙嗲鸡髀肉串，另自选咗白胡椒肉骨油条(细)同唔香脆炸豆腐卜，外加摩摩喳喳同阿参脆多士。而一人餐面系特定汤底，所以拣咗辣味虾汤底嘅虾肉肉片面，小食就鸡亦+马拉盏通菜，甜品就系榴梿咖央多士先讲虾肉肉片，个汤有辣劲，虾味浓郁且甜美，配掺掺（油面+米粉)，香辣鲜甜，D面吸晒D精华。而虾肉鱿鱼就跟福建卤汤底，呢个汤底应该用羹嚟形容更为贴切，用卤肉熬制，加上鸡蛋丝，有D似碗仔翅嘅质感，衬爽脆嘅鱿鱼同鲜甜嘅虾肉，味道又不会盖过主角，个人喜欢呢个配搭。最后海鲜
今日老公要出荃新天地买嘢，久违的行街拍拖，梗系摆工唔煮饭，一心谂住撑枱脚，点知行到忘咗形，过咗6：00无堂食，正当盘旋食乜时，发现咗间马拉面馆，叫虾面馆，顾名思意系用虾做主打~
店舖充满马拉色彩，以黄白色为主，内外都具有浓厚嘅槟城风貌，以槟城秘方虾面见称，除面食外，亦有不小马拉出品小食甜品，相对饭类较少。
餐牌有散叫丶一人套餐同二人套餐，由于我样样都想食，所以分别叫咗一人餐同二人餐，二人餐有甜品丶饮品丶4个小食同两款面食，一人餐食物大同小异，但饮品或者甜品只可二选一。二人面类分别拣咗虾肉鱿鱼同海鲜面(+$12)可自选汤底，小食就特定马来香炸鸡翼同马来沙嗲鸡髀肉串，另自选咗白胡椒肉骨油条(细)同唔香脆炸豆腐卜，外加摩摩喳喳同阿参脆多士。而一人餐面系特定汤底，所以拣咗辣味虾汤底嘅虾肉肉片面，小食就鸡亦+马拉盏通菜，甜品就系榴梿咖央多士
先讲虾肉肉片，个汤有辣劲，虾味浓郁且甜美，配掺掺（油面+米粉)，香辣鲜甜，D面吸晒D精华。
而虾肉鱿鱼就跟福建卤汤底，呢个汤底应该用羹嚟形容更为贴切，用卤肉熬制，加上鸡蛋丝，有D似碗仔翅嘅质感，衬爽脆嘅鱿鱼同鲜甜嘅虾肉，味道又不会盖过主角，个人喜欢呢个配搭。
最后海鲜面就梗系趁咖喱喇沙汤底！海鲜有蟹柳丶大虾丶鱿鱼丶鱼片同埋青口，汤底少咗椰香但多咗咖喱味，但并不辣，易入口，仲有我心爱的豆腐卜，索尽汤汁
小食分别有~
马来炸鸡翼同马来沙嗲鸡批串，鸡亦炸得香口，味道有D似香茅鸡翼，而鸡髀串就嫩滑多汁，啖啖肉。
白胡椒肉骨茶油条，肉骨茶不像平日饮开的药膳味，味道似胡椒猪肚汤，猪肉好软淋，用油炸鬼点嚟食又几夹㖞
马拉盏通菜同埋五香脆炸豆腐卜，马拉盏配通菜系绝配，够味浓，豆腐卜炸得香脆，有五香粉点缀，每口都有＂卡卡＂声~
甜品都系一D马拉特色嘢，阿参脆多士，即罗望子酱多士，酸酸甜甜的果香，而榴梿咖央多士，榴梿味不重，带甜味，不好榴梿者亦能挑战，最后就系摩摩喳喳，紫椰奶+香蕉+番薯+紫薯+香芋同一D类似桃胶的东西，口感丰富，椰香奶滑。其实我好钟意食不同国家的美食，而正宗马拉菜是初次品尝，味道高质，而且外卖仲有8折优惠(除下午茶同汤品外）咁低食，实会Encore
张贴
