粥盛

营业中

休息中

又病呀！肠胃炎呀！都系果句，除咗食水蟹粥之外，基本上我食粥都系病咗！今次近近地，行去最近嘅粥店买个粥食算噜！粥盛前身系一间好鬼污糟嘅粥店，黑黑沉沉又唔系特别好食，不过病嘅时间唔理得噤多，转手后改善咗好多，但都重系有种污污糟糟嘅感觉，所以买外卖番屋企，唔想系店入面食。粥盛重有个问题，系堂食食粥感觉好唔舒服，店又唔太大，店铺放圆枱又唔系卡位总系觉得唔知点坐，凳又坐得唔舒服！点咗个牛肉肠，炒面，艇仔粥多葱，粥有挂碗感觉但味道淡咗少少，想点炒米粉但卖哂，局要炒面，炒面唔够热，庆幸未至于收干哂水硬班班。由于企系店铺等外卖，可以睇住佢即制肠粉，人地肠粉俾成底，点解粥盛俾得半底？结果得番两条牛肉肠？味道系唔错，但份量就少啰！唉.....下次行远D去强记吧......连我最中意嘅葱都唔新鲜.....连ok都俾唔落手啰.......