Cabana Breeze (已結業)

去东涌睇新居屋，睇完揾地方食饭，喺开饭揾到隔离喜来登酒店附带嘅呢间餐厅，穿过酒店大堂有道门行出黎就见到有几间食肆，呢间餐厅门口有啲藤座位，感觉悠闲，微微雨嘅关系安排坐室内，皮梳化加红色咕𠱸，加上枱面有花配搭，伴随好听嘅音乐，柔和嘅灯光，有种渡假嘅感觉。今日赶时间，主要嚟食嘢，叫咗一个意粉，一个披萨。原本菜单系墨汁扁面条，嚟咗墨汁意大利粉。黑色嘅意粉，红色嘅蕃茄粒，绿色嘅芫茜苗，配埋白色嘅蟹肉同洋葱，摆盘都几靓，飘散住蒜油嘅香味。意粉软硬适中，叫咗少辣，有好多蟹肉，惹味又好味。披萨叫咗四款芝士，见到有蓝芝士另外加咗帕尔马火腿。披萨焗出嚟热辣辣充满芝士香味，卜卜脆饼底加上火腿嘅咸香，好满足啊见佢食物种类选择算多，第日可以放工嚟Happy Hour饮杯嘢都唔错。