影片
更多
2023-09-20
206 浏览
楚撚记大排档哩间野平时睇社交平台都几多广告同foodie 推介，平时两丁友好难食到大排档，今次同几个朋友出去就决定食佢，对佢亦都好高期望。6:30去到入边已经就快满，大概搭九已经需要排队等位，建议大概要早少少攞位。秘制香辣水煮花甲 $128佢会有个炉热住个煲，食嘅时候都会keep住暖。而佢有粉丝萝卜豆卜，全部都好索汁同入味，花甲就正常水准，食得辣嘅人值得一试。燕麦金沙虾球 $113一碟有8只虾，上面铺满晒燕麦，令到佢口感几有趣。而虾球都算几有咸蛋黄味，底𠮶浸燕麦亦会有咸蛋黄味，整体唔错但定价偏贵。蜜椒薯仔牛柳粒 $113最失望应该就系佢，可能因为俾万发搞到我对薯仔牛柳粒期望好高，呢碟嘅薯仔切得太细，令到佢一啲口感都无，而且一啲都唔脆口，成粒上到黎已经淋晒。牛肉就正常， 好多时候茶餐厅同大排档嘅牛食落唔韧其实都已经收货。而且佢一啲都冇蜜糖味，黑椒味又无乜。成碟野$113但又无口感又无味咁其实都唔知食左乜。拔丝焦糖香烧脆腩仔 $98睇相都知佢几考功夫既，最主要系拔丝焦糖整得唔错，捞埋烧腩仔食再点芥末个味道系几得意。但系烧腩仔有一啲俾偏硬身，要啲时间去咀嚼，而且个皮都唔系话好脆，两样烧腩仔应
哩间野平时睇社交平台都几多广告同foodie 推介，平时两丁友好难食到大排档，今次同几个朋友出去就决定食佢，对佢亦都好高期望。6:30去到入边已经就快满，大概搭九已经需要排队等位，建议大概要早少少攞位。
秘制香辣水煮花甲 $128
佢会有个炉热住个煲，食嘅时候都会keep住暖。而佢有粉丝萝卜豆卜，全部都好索汁同入味，花甲就正常水准，食得辣嘅人值得一试。
燕麦金沙虾球 $113
一碟有8只虾，上面铺满晒燕麦，令到佢口感几有趣。而虾球都算几有咸蛋黄味，底𠮶浸燕麦亦会有咸蛋黄味，整体唔错但定价偏贵。
蜜椒薯仔牛柳粒 $113
最失望应该就系佢，可能因为俾万发搞到我对薯仔牛柳粒期望好高，呢碟嘅薯仔切得太细，令到佢一啲口感都无，而且一啲都唔脆口，成粒上到黎已经淋晒。牛肉就正常， 好多时候茶餐厅同大排档嘅牛食落唔韧其实都已经收货。而且佢一啲都冇蜜糖味，黑椒味又无乜。成碟野$113但又无口感又无味咁其实都唔知食左乜。
拔丝焦糖香烧脆腩仔 $98
睇相都知佢几考功夫既，最主要系拔丝焦糖整得唔错，捞埋烧腩仔食再点芥末个味道系几得意。但系烧腩仔有一啲俾偏硬身，要啲时间去咀嚼，而且个皮都唔系话好脆，两样烧腩仔应有嘅元素都无。比$98好似食个拔丝多过食过烧腩仔。
瑶柱虾粒带子蛋白炒饭 $99
份量好足，味道正常，饭炒得几干身。
黄金炸馒头(半打) $40
正常水平，就系平时大家食炸馒头再点炼奶既味。
楚撚桂圆手工啤 $48
系用圆肉干杞子酿制，饮落偏重麦味，如果中意重麦香既会觉得唔错，值得一试。
食到最尾会有糖水送返俾你，当日食既有以下两款。
番薯糖水
姜味太劲，有少少食唔出番薯本身嘅味，如果姜嘅量减少会好啲。
绿豆清心丸
第一次食清心丸，个口感好神奇有少少似芋圆嘅口感。
Overall: CP值麻麻，佢除左有冷气坐得舒服啲之外，我完全谂唔到有咩原因要帮衬佢而唔帮衬出面啲大排档。佢价钱又贵啲，分量又少啲，味道又差啲。最紧要嘅系，平时食大排档好多时候都系贪佢够镬气，但呢到完全比唔上出面嘅大排档。
味道:🌕🌕🌑🌑🌑
环境:🌕🌕🌕🌗🌑
分量:🌕🌕🌗🌑🌑
服务:🌕🌕🌕🌗🌑
CP值:🌕🌕🌑🌑🌑
Overall: 唔会再食💩
加一服务费：❎
楚撚记大排档
土瓜湾马坑涌道2C号宝光大厦地下C及D号舖
荃湾川龙街118号百悦坊地下-1楼
西环石塘咀皇后大道西554-560号日富里百好大厦地下1号舖
张贴