談風：vs：再說 (已結業)

个名咁有诗意，我依个伪文青就俾佢吸引左，即刻觉得个名想表达谈笑风生，择日再说，食肆黎讲真系靓名。（利申系我估既）不过地理位置都几隐世，沿途都系车厂，有不少车泊系路边，唔专门揾都唔会知，上到去就会见到，门口几部单车同旧香港既摆设装修， 就好似由繁忙既街道，踏入以前旧香港既世界，菜式都算西餐，以前旧香港食西餐都非富则贵，依次仲唔幻想自己系贵公子！菜单菜式好似会定期更换的。今次我叫左鸡肉配玫瑰泡沫咖啡～首先上既系暖粒粒脆卜卜既麦包。咖啡其实我唔识饮，好似有玫瑰味又好似冇。主菜黎到鸡+栗米饼，首先鸡肉十分嫩口，配上忌廉，同栗米汁，而且加上孜然同蒜头，味道再多一点层次！至于栗米饼，炸得好好，外面好脆，内里软绵绵好似蛋糕咁，不过冇乜味，要沾多d忌廉同栗米汁先觉得好食～环境同食物既关系，好快就食完，其实想再叫多份甜品食，可惜餐厅既甜品同正餐一样，唯有下次有机会先再试啦！