影片
更多
2017-10-30
757 浏览
星期六午饭时间，喺湾仔觅食嘅时候，突然间被一张虾多士嘅照片吸引住。见到佢嘅Menu有莲蓉西米焗布甸，就即刻被吸引住要试吓。呢度喺奇华饼家嘅旗舰店嘅楼上，一间新嘅餐厅，叫做奇华茶室。听餐厅嘅名字，会以为系茗茶嘅。但系茶嘅种类唔多。Menu上面标榜住「香江小食」丶「港式三文治」丶「香港滋味」嘅大标题。但系对于一个香港土生土长嘅我嚟讲，奇华茶室嘅菜式/ 食物一啲都唔港式。「香江小食」竟然系有星洲炒萝卜糕；「港式三文治」竟然有俄罗斯芹菜鸡肉卷；「香港滋味」第一味竟然系「马来鲜虾喇沙」。近年有个名词叫做「伪洋港女」，意思就系指有啲女仔明明香港出世，香港大，但系满口英文，连讲广东话嘅时候都带英文口音同埋净系沟鬼仔。而我就觉得奇华冰室简直就系「伪港洋餐」，就好似俗语咁讲「挂羊头卖狗肉」。讲返食物先。我点左一个粟米烩石斑饭同埋莲蓉西米焗布甸。粟米烩石斑饭饭系蛋炒饭。汁比较少，带有芝士味。饭粒有啲坚硬但系尚有诚意。鱼，好咸。非常咸。佢哋用咗西式香草嚟处理条鱼。我从来都冇食过港式嘅粟米石斑饭系会用 herbs 做㗎啰。鱼柳仲有骨添。如果有勇士去奇华茶室点呢个饭食就真系要小心啲啃骨呀！莲蓉西米焗布甸莲蓉同西
听餐厅嘅名字，会以为系茗茶嘅。但系茶嘅种类唔多。Menu上面标榜住「香江小食」丶「港式三文治」丶「香港滋味」嘅大标题。但系对于一个香港土生土长嘅我嚟讲，奇华茶室嘅菜式/ 食物一啲都唔港式。
「香江小食」竟然系有星洲炒萝卜糕；
「港式三文治」竟然有俄罗斯芹菜鸡肉卷；
「香港滋味」第一味竟然系「马来鲜虾喇沙」。
近年有个名词叫做「伪洋港女」，意思就系指有啲女仔明明香港出世，香港大，但系满口英文，连讲广东话嘅时候都带英文口音同埋净系沟鬼仔。而我就觉得奇华冰室简直就系「伪港洋餐」，就好似俗语咁讲「挂羊头卖狗肉」。
讲返食物先。我点左一个粟米烩石斑饭同埋莲蓉西米焗布甸。
粟米烩石斑饭
饭系蛋炒饭。汁比较少，带有芝士味。饭粒有啲坚硬但系尚有诚意。
鱼，好咸。非常咸。佢哋用咗西式香草嚟处理条鱼。我从来都冇食过港式嘅粟米石斑饭系会用 herbs 做㗎啰。
鱼柳仲有骨添。如果有勇士去奇华茶室点呢个饭食就真系要小心啲啃骨呀！
莲蓉西米焗布甸
莲蓉同西米嘅比例刚刚好。一啲都唔会觉得太甜。非常好味道。
佢哋嘅厨房做咗半开放式。所以食客可以见到厨房里面嘅活动。厨房里面嘅员工有啲带帽，有啲无，我谂好多机会跌到头发落去啲食物度。另外佢哋冇一个人戴口罩，又不停喺厨房度讲嘢。都几唔卫生。正所谓眼不见为干净，如果要做半开放式厨房，就做戏做全套啦，唔该。
奇华茶室仲会收一个好虚无缥缈嘅费用叫做服务费。点解虚无飘渺？我都唔知道服务从何来。可能餐厅实在太新，员工欠缺训练，所以服务同餐厅收取嘅价钱严重不成比例。
有一样嘢奇华茶室处理得非常旧香港，好令所有人厌恶嘅处理手法就系找钱嘅时候唔知点解唔可以比一张＄50 / ＄10 纸或者一粒＄10银/ 两粒$5银… 而要找到好散俾你，搏你挟俾10%虚无缥缈嘅服务费之后，再俾小费。
其实小费嘅嘢，如果服务员态度或者服务比较好，大部份食客都唔会吝啬。
希望奇华茶室认真检讨佢哋嘅服务态度同食物质素。其实做洋式港餐冇问题啫，唔好扮「港式」啦。如果餐厅系因为奇华饼家所以要坚持「港式」食物嘅话，就唔该换过个Menu。
张贴
