韓兄弟燒烤

营业中

休息中

黎到红磡就梗系揾一间连红磡人都推介嘅韩国餐厅啦，今次就黎到韩兄弟👦🏻👦🏻呢间真系由2位真兄弟开嘅餐厅。餐厅布置简单、宽敞，好有韩国地道嘅感觉，而且餐厅仲不停播放住k-pop歌同MV ，好有韩国气氛😂前菜有六款：腌萝卜、腌青瓜、韩式泡菜、大豆芽、薯仔、菜，款款都酸酸辣辣够晒开胃，而且咬落新鲜爽甜。炖牛肋骨汤 + 米饭 ($88)汤底清香，牛肋骨炖到好腍，好有牛肉嘅香浓味，送饮一流👍🏻👍🏻👍🏻海鲜煎饼（$98）香脆可口，加埋独特酱汁，食到停唔到口🤤酱油炸鸡（$160）炸粉唔算好厚，鸡肉多汁入味，去韩国餐厅系必点嘅食物！讲到炸鸡，当然唔少得酒啦！满足嘅韩国之夜😌😌😌