影片
更多
2021-06-07
5988 浏览
疫情期间，大家都一定好渴望去地方，因为好想食到当地地道既美食，但其实细心揾，香港都可以食到好地道、甚至有机会超越其他国家传统既味道，今次去既呢间日本串烧店，绝对唔会比日本本土既串烧店差，甚至青出于蓝胜于蓝。呢间Yardbird，2011年系上环必列者士街开业，之后一炮而红，系2018年搬到去永乐街，由一间只容纳到15人既小餐馆，变成可以容纳到接近100人既餐厅，餐厅环境比以前大好多，而且将酒吧同餐厅结合，不过位置同前后左右几十间海味铺相比，系间格格不入既居酒屋，而且系一间专食鸡串烧既居酒屋，日本叫烧鸟(Yakitori)，源自日本饮食文化，每一串鸡背后都蕴藏无数技艺。大家平时食串烧食开既牛、猪、鱼、海鲜咩都无，但一间专攻鸡、定位刁钻既餐厅，反而由小餐厅变成闻名国名既串烧店，2014年系亚洲50最佳餐厅中排名45位，2021年更加得到米芝莲一星既肯定，靠主打既新奇Fusion日式鸡肉料理打出名堂，甚至喺美国洛杉矶开分店，蜚声国际，连外国旅客都专诚慕名而来，而艺人郑欣宜都系呢度既熟客。Yardbird特别在佢用新鲜三黄鸡(羽毛黄、爪黄、喙黄)为食材，每日将70-80只鸡分割，以由头食到尾为
疫情期间，大家都一定好渴望去地方，因为好想食到当地地道既美食，但其实细心揾，香港都可以食到好地道、甚至有机会超越其他国家传统既味道，今次去既呢间日本串烧店，绝对唔会比日本本土既串烧店差，甚至青出于蓝胜于蓝。
呢间Yardbird，2011年系上环必列者士街开业，之后一炮而红，系2018年搬到去永乐街，由一间只容纳到15人既小餐馆，变成可以容纳到接近100人既餐厅，餐厅环境比以前大好多，而且将酒吧同餐厅结合，不过位置同前后左右几十间海味铺相比，系间格格不入既居酒屋，而且系一间专食鸡串烧既居酒屋，日本叫烧鸟(Yakitori)，源自日本饮食文化，每一串鸡背后都蕴藏无数技艺。大家平时食串烧食开既牛、猪、鱼、海鲜咩都无，但一间专攻鸡、定位刁钻既餐厅，反而由小餐厅变成闻名国名既串烧店，2014年系亚洲50最佳餐厅中排名45位，2021年更加得到米芝莲一星既肯定，靠主打既新奇Fusion日式鸡肉料理打出名堂，甚至喺美国洛杉矶开分店，蜚声国际，连外国旅客都专诚慕名而来，而艺人郑欣宜都系呢度既熟客。
Yardbird特别在佢用新鲜三黄鸡(羽毛黄、爪黄、喙黄)为食材，每日将70-80只鸡分割，以由头食到尾为理念，除咗鸡头之外冇一个部位用唔到，用哂成只鸡制作成23款鸡唔同部位既串烧，而且有好多唔同既刁钻部位，系平时大家都好小食到既部位，好似鸡甲状线，鸡甲状腺系鸡颈附近，一只鸡可能得两粒，一串鸡甲状腺要用十只鸡先可以制作到，所以系极度罕有，其他餐厅都好难食到。呢度嘅三黄鸡都系由合和鸡鸭供应，合和鸡鸭系一间上环有大半世几历史嘅隐世鸡档，每日供应新鲜嘅鸡比附近嘅餐厅，随左yardbird，同为米芝莲一星嘅belon、louise都系问佢哋攞货。Yardbird嘅老细兼大厨Matt曾系前纽约寿司名店 Masa 同香港著名餐厅 Zuma 工作，都去过超过30个国家煮串烧，佢觉得香港鸡系最好嘅鸡种，因为可以控制佢嘅新鲜度，比起餐厅30公里以外、要用两日时间空运过嚟嘅冷冻鸡肉，新鲜嘅鸡肉先可以做到好嘅串烧。外国鸡全部都系白雪雪，就算点焗都系咁白雪雪，要加色上去，但香港三黄鸡皮下脂肪够厚，焗出嚟鸡既颜色全部都好好，好似食谱书上面啲鸡咁。喺其他地方好难揾到似香港鸡呢种咁好嘅鸡种，所以yardbird坚持用依间上环鸡档供应嘅本地三黄鸡，作为佢哋烧鸟嘅主要食材，对鸡嘅重量有要求，因为要计算切出嚟嘅成数，喺餐厅开业半年之前已经不断尝试最适合嘅鸡重量，从而制作出最完美嘅鸡串烧。
而呢间串烧店另一个卖点，系用备长炭黎烧，串烧都系铺满备长炭同日本木炭既6英尺长烤架上烧，本身备长炭最高温度可以去到800度，火力非常平均，烧到嘢食金黄色，而且好多肉汁，亦都会有炭烧嘅香味，同其他用电炉烧系完全唔同，咁繁杂同考究既方法，将平凡既鸡弄得不平凡，但呢类型嘅牌照其实系非常罕有，好难申请到，餐厅要做好多功夫，要比食环署检查好多次，再加上抽风系统做得好，先符合到条例可以申请到牌照，所以系呢度几大既一个特色。
以前Yardbird系不设订座只有walkin，呢家开放可以系官网上订位。Yardbird本身都已经成日full booking，系罗到米芝莲一星之后就更加full。如果想订位可以上官网，去book到一星期内嘅位，每晚12点更新可以book新嘅一日既座位，时间分别有17:00、17:30、18:00、19:30、20:00，但基本上每晚12点开始嘅5分钟后，18:00、19:30、20:00嘅位置都会全部full哂，因为系正常既放工时间。而人数只系book到最多四人，如果你系多个四个人，可以试吓同时分两次book，再打电话比店员要求尽量安排到附近嘅座位，佢哋会好乐意安排。
装修布置风格好现代，灯光好暗，系酒吧𠮶一种暗，所以影相质素唔理想。座位方面有3款，可以立食、一般枱同吧枱，前边系休闲酒吧区，会见到一排排梅酒成为餐厅整体内部装修既一部分，而后面系正式雅座同卡位，餐厅总共可容纳98个座位，空间感几大，座位间隔阔落，唔会话听到隔离枱嘅谈话内容，室内设计师量身设计既枱櫈设计简单、用料朴实，向复古工厂座位致敬，令新店既室内设计美学同旧址保持一脉相承，不过大小比较细小。中间会有个小角落，卖餐厅自家制嘅五味粉同T恤等等。装修算系几简约，用餐位置唯一嘅焦点所在，就系个开放式厨房，一览无遗，俾你望到入边嘅热闹，但完全问唔到香味。入面唔算好宁静，但又未到日式居酒屋个种热闹，我会话呢间餐厅似一间酒吧多过日式传统居酒屋，格局都系似酒吧。呢度唔系日式个种师傅系食客面前烧，而系落单之后，烧好由店员罗过黎，加上店主不惜价钱投资既抽风系统，因为要经过滤之后先可以排出街，抽风系统几好，所以完全唔会有炭烧味同油烟味。
睇过Menu，Menu全部都系英文，而且店员落单都系用英文，所以难怪吸引唔到日本人黎食。因为呢度有唔少系外国人食客，佢哋对鸡内脏嘅接受程度，远远冇俾我哋由细食到大咁容易接受，所以对外国人来讲，呢度咁多部位嘅鸡串烧系几新奇嘅食法。另外前菜部分有十几款唔同既沙律，惊唔够饱仲有饭、面既主食，有鱼、鸭，另外仲有炸物、汤、甜品供应，不过串烧方面就清一色都系得鸡。
呢度特别之处系你可以单点想食乜就食乜，亦都可以黎个串烧omakase，讲低你既budget，由师傅因应budget去预备份量，如果你系第一次嚟，店员会叫师傅准备一啲比较招牌、人气嘅菜式。
入去到坐低之后，发觉其实食客都系外国人为主，其他都系本地人，反而揾唔到日本人，呢样就更加证明呢间餐厅定位唔系日本传统居酒屋，而系一间创新既酒吧，通俗咁讲系一间鬼佬串烧店，食到非传统既日式烧鸟。惊喜既地方系原来隔离枱个个系艺人郑欣宜，以前已经系社交平台见过佢黎呢度食，睇黎识食既佢都系呢度既熟客。
因为我系食8点，8点其实系最后一个timeslot，去到时其实系墙上一个好似机场航班资讯既餐单上，已经睇到部分串烧已经售罄，好似鸡颈皮、鸡皮、鸡膝软骨、鸡心同鸡甲状线，大家就可以知道边啲串烧系最人气。上面都有提及鸡甲状腺系极度罕有，通常都系第一款售罄既串烧，如果想食到应该要系6点既timeslot先食到。
一坐低餐厅要先嗌嘢饮，之后先会比Menu你叫串烧或者其他嘢食。酒嘅种类非常之多，有日本威士忌、红酒、白酒、日本清酒、烧酒、啤酒、highballs、cocktails、甚至系墨西哥式啤酒鸡尾酒。
-
1️⃣ Inner Thigh 内鸡腿肉 💰45（👅: 8.5/10）
Inner Thigh
$45
106 浏览
3 赞好
0 留言
系出面食串烧，只会有鸡腿肉，但唔会分内、外，呢度既内鸡腿肉都系人气串烧，食8点既我好彩可以食到，因为卖单时见到佢已经售罄。
想像下人既内腿系边，就可以谂到呢个内鸡腿肉系有几嫩，嫩滑程度应该系咁多串串烧最嫩，内鸡腿肉烤到外面香口，内里肉汁更加系令到反光，内鸡腿肉用左盐同黑椒调味，虽然佢无鸡皮，佢带有小小鸡既皮下油脂，食起黎香到不得了。我觉得烤鸡既火喉比牛、猪更加难控制，第一串鸡串烧就先声夺人，已经信心大增。
-
2️⃣ Wings 鸡翼 💰45（👅: 8.0/10）
Wings
$45
87 浏览
3 赞好
0 留言
烧鸡翼系香港人食串烧基本上必点既串烧，用黎测试一间串烧店既串烧技术质素去到边，呢度既鸡翼特别在会串左一旧柠檬，摆盘上几特别，鸡翼烧得非常好，咬落外脆内嫩，食落多肉汁，再加上一啲好似七味粉加盐既调味粉，非常惹味。
鸡翼入面既鸡骨烧到好脆，一咬好似咬碎左咁，即使系咁，但鸡肉食落都系好嫩，可见串烧技术非常了得。整体黎讲，系一个好食既鸡翼。略嫌鸡翼既份量有啲细，一串得两只，唔太够喉。
-
3️⃣ Wing Tip 鸡翼尖 💰45（👅: 8.5/10）
Wing Tip
$45
81 浏览
1 赞好
0 留言
相信见到呢个鸡翼尖上枱会呆一呆，因为会同大家认知既鸡翼尖唔同，呢度嘅鸡翼尖同鸡颈皮有七成似，呢个鸡翼尖已经将骨拆哂，将剩低鸡翼尖既鸡皮串埋一齐。未食之前以为系好脆口既口感，点知鸡翼尖食落去系烟韧，比鸡颈皮更少脂肪，但有足够嘅油脂，食落唔腻，亦都唔需要用柚子醋中和佢嘅香口程度，我觉得甚至比鸡皮仲要好食，好似系鸡皮既加强版咁。
-
4️⃣ Meatball 鸡肉丸 💰48（👅: 9.0/10）
Meatball
$48
53 浏览
1 赞好
0 留言
鸡肉丸就系平时我去日式串烧店必点既一款串烧，即系免治鸡肉棒，呢度叫鸡肉丸。呢度既鸡肉丸系鸡搥混合鸡背肌同洋葱而制成，师傅应该系有将软骨切碎捞入鸡肉入边，所以食落去唔会剩系得啖啖肉，而系咬落去弹中带滑，多咗少少脆嘅质感，食落去唔会话好干，非常juicy劲多肉汁，食完完全唔知师傅系点样调配出黎。免治鸡肉棒一般食法都会点蛋同酱油，呢度既蛋蛋味非常浓，质素非常好，蛋系比较稠身一啲，蛋黄唔系咁易整爆，食得出系日本蛋，再加上日式酱油，味道非常丰富同好食，成串鸡肉丸食落系比较焦香、浓味，有啲人会觉得咸咗少少，我自己觉得可接受，不过冇咁咸可能蛋香更出，但佢已经系我香港食过最好食嘅免治鸡肉串。
-
5️⃣ Liver 鸡肝 💰45（👅: 8.5/10）
Liver
$45
56 浏览
1 赞好
0 留言
呢款汁烧鸡肝，上面既系Yardbird特制既酱汁。基本上每一间烧鸟都有一个秘制酱汁，每间铺头既酱汁都唔同，系自己调制。而Yardbird既呢款酱汁由开业煮到呢家，所以酱汁既味道系越黎越多层次，食落去系越黎越特别，好似啲潮州餐厅既卤水汁咁，煮左一盘卤水汁，之后再煮一啲新既酱汁加落旧既，串烧好多时个灵魂就系个酱汁。Yardbird既酱汁食落系多层次，比较重口味一啲，有啲似日式酱油，又甜又咸。鸡肝烧到微焦，入口唔系好爽口个种，而系好滑好粉嫩，呈半熟香软状态，唔会有过熟既粉感，可见呢度处理内脏处理得非常好，一啲都唔醒，唔会有血腥味，酱汁混入山椒粉，可以大致盖过内脏既味，留低既只有鸡肝既口感，齿颊留香，钟意食鸡肝既朋友话系食过最好食既鸡肝。
-
6️⃣ Tail 鸡尾 💰45（👅: 9.5/10）
Tail
$45
54 浏览
1 赞好
0 留言
鸡尾通俗既讲法系鸡屁股，好听既讲法就系七里香。呢度既鸡尾绝对系令我大惊喜，鸡尾外层咬落非常脆，而入面完全系鸡屁股既脂肪，脂肪入口即融，完全系油脂感爆发，食落鸡油味香，唔会话食到奇怪既味道，反而每一啖都系好香既鸡油香，有油脂感但又可以做到外脆，从未食过咁好食既鸡尾，无论系香港食过既其他日式串烧、港式串烧都无得比，港式串烧既七里香有时食落仲要有骨，呢个系完全无骨，系将鸡既脂肪摆落口。所以呢个系咁多串鸡串烧脂肪含量最高、其中一款最好食最有惊喜既串烧。
-
7️⃣ Gizzard 鸡胗 💰45（👅: 8.5/10）
Gizzard
$45
30 浏览
2 赞好
0 留言
鸡胗其实系鸡嘅胃，系一个好似砂囊既胃袋，平时多数用嚟做卤味，但今次可以系串烧都食到。
鸡胗加上炸蒜，食落香口到不得了，鸡胗咬落系非常爽口有嚼劲，感觉好似食紧爽口既鱿鱼咁，食落唔会有腥味。唔知系第一次食咁惊喜，定系呢度将一样平均既野食化腐朽为神奇。再一次感受到师傅既火候控制功力、精准调味同处理内脏既手法，无可挑剔。
-
8️⃣ Corn Tempura 粟米天妇罗 💰110（👅: 9.5/10）
Corn Tempura
$110
45 浏览
1 赞好
0 留言
呢款菜色系当晚最惊喜，都系我最钟意食既一道，系一个炸天妇罗粟米波。呢道系餐厅既招牌，都系每枱客必点既菜色。
半个拳头大小嘅粟米天妇罗，系用天妇罗粉包住粟米然后罗去炸，用小小盐同胡椒做调味，做法非常有创意，而且好考技术。
外表非常香脆，但炸粉唔算厚，神奇在只用薄薄一层嘅脆浆将粟米可以组成一个波，但唔会一夹就散开变成一粒粒，由头食到尾都系每粒粟米紧贴住。可以食到粒粒栗米，每粒栗米都好鲜甜，甜香非常突出，咬落爽口，虽然系一个波但食起黎唔会黏埋一齐，粟米入到口系粒粒分明，而且食到牛油既香味，成个食落惹味、大大啖，轻盈唔觉腻都唔会干。
呢个粟米天妇罗份量都几大粒，一个人一粒其实已经好够，再食多粒可以会觉腻。
-
9️⃣ Katsu Sando 💰100（👅: 9.0/10）
Katsu Sando
$100
126 浏览
1 赞好
0 留言
呢个Katsu Sando，系一款特别菜式，餐单上系冇，要喺墙上嘅另一块机场航班资讯餐单先揾到，唔知系唔系期间限定菜式。Katsu Sando其实系好似一个铁板烧和牛三文治，只不过由和牛变成吉列鸡肉饼，一串得两件，如果四个人就叫两串。
鸡肉饼个口质同之前个鸡肉丸好似，都系混入左洋葱，但呢个咬落更加实在，外层香脆，外表睇落好干，但咬落去肉汁会咇出嚟。佢冇猪扒肌肉咁厚实，而系加咗菜粒嘅鸡肉碎扒，松脆得来又惹味。日式烧汁系佢嘅主调，食落甜甜辣辣，都有沙律酱中和一下减低一下佢嘅咸香，估唔到三文治配搭烧汁鸡肉系咁好食，以为三文治食落会好干，但有鸡既肉汁，令佢非常入味，三文治食落轻盈脆身，一啖接一啖。
-
🔟 Clams Yakisoba 💰230（👅: 9.5/10）
Clams Yakisoba
$230
98 浏览
1 赞好
0 留言
呢个其实系一个蚬肉意粉，意粉系用日式炒面嘅蛋面，但用好似意大利面嘅做法，吸汁能力非常强，所以每一啖都系好重嘅蒜香牛油味，再加上蚬肉浓厚嘅海鲜味，非常入味。
而蚬份量惊人，第一次见蚬仲多过意粉，意粉就黎比海量既蚬淹没，蚬系用大大只嘅日本蚬，蚬肉非常饱满大只，食落爽口弹牙，肉够肥美多汁，成碟整体味道比较重啲，估唔到一间串烧店，佢个意粉可以咁好食，系当晚其中一样好有惊喜嘅菜式。
-
1️⃣1️⃣ Soba Tea/PB & J Ice Cream Sandwich 荞麦茶/烤粟米雪糕三文治 💰80（👅: 9.0/10）
最后既甜品叫左雪糕三文治，味道有两款，一款系海盐爆谷烤栗米，另一款系荞麦茶。雪糕三文治口味会每个月转一次，所以唔一定系呢两款口味，例如有黑芝麻口味。
雪糕三文治份量比相像中小，每一个三文治会分开4件，基本上一口一件。
烤粟米雪糕三文治周边擦左花生酱，食落咸左啲。
荞麦茶雪糕三文治入面除左系荞麦茶雪糕之外，有朱古力碎包住，荞麦茶茶味清幽，不过茶味可以更出，两层威化饼咬落香脆，有荞麦茶脆脆点啜，增添口感，朱古力薄脆同荞麦茶既味道不谋而合，平衡得宜，食落系偏甜，虽然价钱上进取左啲，不过系一个有小惊喜既雪糕三文治。
-
🍺 Suntory Pilsner Draught 💰58（👅: 7.5/10）
食日本串烧既绝配，多数都系啤酒或者highball，拣左最正常、系日本常见既Suntory生啤。饮落够冻，够新鲜清爽，啤酒唔算多。
-
🍸 Yaki Lime 💰95（👅: 7.0/10）
黎到见到有咁多cocktail，谂住一反常态，唔叫平时食串烧既绝配啤酒，比次机会呢度既cocktail，原本想叫有日本地方名既okinawa express但可惜售罄，所以叫呢个Yaki Lime。
Yaki Lime系用烤过既青柠加上冧酒同薄荷制成Mojito，饮落我觉得草青味稍为强左啲，所以唔系咁啱我嘅口味，下次都系唔乱咁嗌cocktail，乖乖饮返一定无伏既生啤。
-
🌟 食物方面黎讲，呢度既串烧食落唔似系日本居酒屋食到既串烧味道，反而系比较独创既特色，加入左一啲Fusion煮法，可能因为本身大厨系外国人，想法都比较新式一啲，所以我会话佢系非传统既日式烧鸟，但今次证明左外国人都可以煮到不一样既日本菜色。味道上黎讲无咩可挑剔既地方，因为呢度用炭烧取代一般嘅电炉，炭烧做到皮脆而肉唔干，香口当然不在话下，用备长炭烧唔会熏黑嘢食，所以今晚食既串烧都冇失水准，串串靓仔，色泽金黄，肉汁都锁到实，酱汁都唔会过咸盖过鸡本身嘅味道。另外鸡既来货都好重要，有好既鸡，无好既师傅，唔得；有好既师傅，无好既鸡，更加唔得，好既食材同好既师傅系相得益彰，呢度可以将好似绿叶既本土三黄鸡，变成好似牡丹既高质烧鸟。
要挑剔既就系价钱偏贵唔够平民，当晚大概食左三千蚊到，7个人人均大概300蚊，除左一个人比较大食唔够饱之外，基本上其他人都食够饱。串烧每串定价40-50，系香港黎讲系偏贵，但我有喺香港食过其他日式居酒屋，人均三百几，但食啰反而冇呢度咁饱肚，而且冇依度质素咁好。我会觉得依度系一分钱一分货，如果想追求极致又创新嘅鸡串烧味道，香港我会谂到呢间同中环既birdie，而今餐可以话体验到本地三黄鸡喺精心炮制下嘅串烧。
环境方面，呢度唔系平时大家食到好地踎既港式烧串，唔会系街边、用折枱、坐红色胶櫈，一埋位就落两串烧翠玉瓜、烧茄子既港式风味，都唔系日式居酒屋咁环境非常嘈吵热闹，边食串烧边饮highball畅谈嘅气氛，而系一间结合左欧美特色嘅居酒屋、食到日本串烧嘅酒吧。而且呢度既抽风系统令到入面唔会有炭烧味同油烟味，呢个系一个好好嘅优点，同时都系一个可惜之处，因为闻唔到香味，少咗好香、好想不停食嘅冲动，少咗呢种风味。
服务方面，串烧烧到有水准需要嘅系耐性，所以第一转串烧会烧得比较慢，落单后大概等咗13分钟就有粟米天妇罗同鸡翼，之后差唔多每2至3分钟就会上另一串串烧，上菜速度算正常可接受。而如果大家系第一次嚟，唔知边啲串烧系人气或者招牌，不妨比个budget帮你执一个组合，基本上唔系特别太食嘅话，$400-500系可以食得饱，有啲食物如果系一份，店员会帮你砌到变半份，等你可以试多啲，又食到佢哋嘅拿手菜色。另外店员会留意每张枱嘅需要，系收碟换碟、换足签筒都几快手，唔会要客人等好耐，而且走𠮶时仲会送自家制嘅特制调味料比客人，值得一赞。
如果你觉得食鸡料理，比唔上食牛、食龙虾咁贵价，或者你觉得串烧系下栏嘢，备长炭只系一个噱头，鸡只系代表住cheap，甚或新鲜鸡同雪藏鸡都分唔到嘅话，咁呢间烧鸟未必啱你，黎呢度就会系追求烧鸟既极致、分割鸡既艺术同炭火既坚持。但环境偏暗，而且少咗令人觉得流口水嘅烧烤香味。
欣赏依度嘅野食，无疑系食过最好食嘅烧鸟，庆祝特别日子好值得黎，甚至系happy Friday嚟饮番杯。老细Matt想Yardbird成为香港既一份子，而唔系一间外国餐厅，因为佢系生于香港，套用返一个纽约时报记者对Yardbird既描述，有纽约时报记者形容过Yardbird系呢个美食林立既香港入面，仍然系一间受欢迎同有影响力既餐厅，Yardbird已经系一间成功既香港餐厅。
-
👅味道: 9/10
🍴环境: 7/10
💰消费: $400人均 (服务费:10%)
张贴
